టాలీవుడ్ (Tolly wood) ప్రముఖ నిర్మాత తమ్మారెడ్డి భరద్వాజ(Tammareddy Bharadwaja) సంచలన వాఖ్యలు చేశారు. ‘RRR’ సినిమా బృందం ఆస్కార్ కోసం చేస్తున్న ఖర్చుపై షాకింగ్ కామెంట్స్ చేశారు. ఆస్కార్ (Oscar) కోసం పోటీ పడుతున్న ‘RRR’ సినిమా టీమ్ విమాన ఖర్చులకు పెట్టిన డబ్బుతో 8 సినిమాలు తియ్యొచ్చని చెప్పారు. RRR’ సినిమా కోసం రూ. 600 కోట్ల బడ్జెట్ అయింది. మళ్లీ ఆస్కార్ కోసం రూ.80 కోట్లు ఖర్చు పెట్టారు. అదే రూ.80 కోట్లతో 8 సినిమాలు చేయొచ్చు. వాళ్లు ఊరికే ఫ్లైట్ టికెట్లకు రూ.80 కోట్లు ఖర్చు పెట్టారు” అని భరద్వాజ అన్నారు.హైదరాబాద్ (Hyderabad) రవీంద్రభారతి ప్రివ్యూ థియేటర్‌ ‘వివాదాస్పద (Controversial)విషయాలపై సినిమాల నిర్మాణం’ అనే అంశంపై చర్చా కార్యక్రమం జరిగింది. ఇందులో పాల్గొన్న భరద్వాజ పలు కీలక విషయాలు వెల్లడించారు.
చదవండి : ఫోటోలు మార్ఫింగ్ చేసి… ఏకంగా జడ్జికే బెదిరింపులు..!
ఆ రూ.80 కోట్లు తమ లాంటి వాళ్లకు ఇస్తే 8 సినిమాలు (Movies) తీసి ముఖాన కొడతామని తమ్మారెడ్డి భరద్వాజ వ్యాఖ్యానించారు. ఇప్పటి రోజుల్లో వస్తున్న సినిమాలు సమాజం (Society) కోసం తీస్తున్న సినిమాలు కాదని, మన సంతృప్తి కోసమే మనం సినిమాలు తీసుకుంటున్నామని విమర్శించారు. అప్పుడప్పుడు సమాజానికి ఉపయోగపడే సినిమాలు కూడా తీయాలని, సమాజానికి ఏదైనా సందేశం ఇవ్వగల అవకాశం ఫిలింమేకర్స్ కు (Filmmakers) ఉంటుందని అన్నారు. RRR’ సినిమాతో ప్రపంచ స్థాయిలో తెలుగు సినిమా సత్తా చాటారు దర్శకుడు ఎస్ ఎస్ రాజమౌళి. (SS Rajamouli) దేశ వ్యాప్తంగా సంచలన విజయం సాధించిన ఈ సినిమా, ఏకంగా రూ. 1200 కోట్లు వసూలు చేసి బాక్సాఫీస్ రికార్డులు బద్దలు కొట్టింది. ఇప్పటికే ప్రతిష్టాత్మక అంతర్జాతీయ సినిమా అవార్డులను అందుకున్న ఈ చిత్రం ఆస్కార్ (Ocsar) బరిలో నిలిచింది. బెస్ట్ ఒరిజినల్ సాంగ్ కేటగిరీలో ఈ సినిమాకు చెందిన ‘నాటు నాటు’ పాట (Natu natu song) నామినేట్ అయ్యింది.
చదవండి : సొంత అల్లుడ్ని కత్తి తో నరికి చంపిన మామ
