Srikanth Addala's 'Pedakapu'.. Controversial Title!
Srikanth Addala: ‘కొత్త బంగారు లోకం’ సినిమాతో సాలిడ్ హిట్ అందుకున్న శ్రీకాంత్ అడ్డాల.. ఆ తర్వాత ‘సీతమ్మ వాకిట్లో’ సిరిమల్లె చెట్టు అంటూ.. మహేష్‌ బాబు, వెంకటేష్‌తో కలిసి మల్టీస్టారర్‌ మూవీ చేశాడు. తర్వాత మెగా హీరోని గ్రాండ్‌గా లాంచ్ చేశాడు. మెగా బ్రదర్ నాగబాబు కొడుకు వరుణ్‌ తేజ్‌ని ‘ముకుంద’ సినిమాతో హీరోగా ఇంట్రడ్యూస్ చేశాడు. ఆ సినిమా రిజల్ట్ కాస్త తేడా కొట్టింది. ఇక ఆ తర్వాత మహేష్‌ బాబు మరో ఛాన్స్ ఇచ్చిన కూడా.. ‘బ్రహ్మోత్సవం’ సినిమాతో డిజాస్టర్ ఇచ్చాడు. అప్పటి నుంచి శ్రీకాంత్ అడ్డాల మళ్లీ కోలుకోలేదు. వెంకటేష్‌తో కలిసి తమిళ్ ‘అసురన్’ మూవీని తెలుగులో ‘నారప్ప’గా రీమేక్ చేశాడు. ఈ సినిమా ఓటిటికే పరిమితమైంది. ఇక ఇప్పుడు మరో కొత్త ప్రాజెక్ట్ అనౌన్స్ చేశాడు శ్రీకాంత్ అడ్డాల.
చదవండి: Arjun: రజినీకాంత్‌తో తలపడనున్న యాక్షన్ హీరో..!
నందమూరి బాలకృష్ణతో అఖండ సినిమాను నిర్మించిన ద్వారక క్రియేషన్స్ మిర్యాల రవీందర్ రెడ్డి నిర్మాణంలో ఈ సినిమా రాబోతోంది. మూవీతో విరాట్ కర్ణ అనే మరో కొత్త హీరోని ఇండస్ట్రీకి పరిచయం చేస్తున్నాడు. మూవీకి ‘పెద కాపు’ అనే టైటిల్.. ‘ఓ సామాన్యుడి సంతకం’ అనే ట్యాగ్ లైన్‌ను ఫిక్స్ చేశారు. ఈ సినిమాను రెండు భాగాలుగా ఆడియెన్స్ ముందుకు తీసుకురాబోతున్నాడు శ్రీకాంత్ అడ్డాల. అందుకే టైటిల్‌లో ‘పెదకాపు 1’ పెట్టారు. అయితే ఇప్పటి వరకు క్లాస్ సినిమాలే హ్యాండిల్ చేసిన శ్రీకాంత్ అడ్డాల.. ఫస్ట్ టైం ఈ సినిమాతో ఊరమాస్ టచ్ ఇవ్వబోతున్నట్టు ఫస్ట్ లుక్ పోస్టర్‌తో చెప్పేశాడు.
చదవండి: Samantha: నిన్న చెప్పులు, నేడు గౌను.. రేటుతో షాక్ ఇస్తున్న సమంత!
పొలిటికల్ బ్యాక్ డ్రాప్‌లో ఈ సినిమా రాబోతోంది. సినిమా టైటిల్.. ఓ వర్గానికి చెందినదిగా ఉండడంతో.. కాంట్రవర్శీ అయ్యేలా కనిపిస్తోంది. ఇప్పటికే సోషల్ మీడియాలో చర్చ స్టార్ట్ అయిపోయింది. పెద కాపునా? పెద్ద కాపునా? అంటూ కామెంట్స్ చేస్తున్నారు. టైటిల్‌లో ఉన్న ఓ వర్గాన్ని కించపరిచేలా ఉంటే.. ఖచ్చితంగా ఈ సినిమాకు వివాదాలు తప్పవు. మరి పెదకాపు ఎలా ఉంటుందో చూడాలి.
