AP: కార్తీక మాసం సందర్భంగా శ్రీశైల క్షేత్రానికి భక్తులు భారీగా తరలొస్తున్నారు. భక్తుల రద్దీని దృష్టిలో పెట్టుకుని రద్దీ రోజుల్లో స్వామిఅమ్మవారికి గర్భాలయ అభిషేకాలు, స్పర్శ దర్శనాలు తాత్కాలికంగా రద్దు చేస్తున్నట్లు శ్రీశైలం ఈవో ఆజాద్ తెలిపారు. భక్తులకు అలంకార దర్శనం మాత్రమే కల్పిస్తున్నట్లు పేర్కొన్నారు. అలాగే, అమ్మవారి అంతరాలయంలో జరిపించే కుంకుమార్చనలు ప్రాకార మండపంలోనే నిర్వహిస్తున్నారు. భక్తులు సహకరించాలని ఈవో కోరారు.
