ప్రస్తుతం ఎన్టీఆర్30(NTR 30), పుష్ప2(pushpa 2) ఒకే చోట షూటింగ్ జరుపుకుంటున్నాయి. కొరటాల శివ తెరకెక్కిస్తున్న ఎన్టీఆర్ 30 షూట్ రామోజీ ఫిలిం సిటీ(ramoji film city)లో జరుగుతోంది. ఇందులో విలన్ సైఫ్ అలీఖాన్ కూడా జాయిన్ అయ్యాడు. ఈ ఇద్దరి పై హై ఓల్టేజ్ యాక్షన్ సీక్వెన్స్ షూట్ చేస్తున్నారు. ఇక సుకుమార్, బన్నీ మోస్ట్ అవైటేడ్ ప్రాజెక్ట్ పుష్ప2 షూటింగ్ కూడా రామోజీ ఫిలిం సిటీలోనే జరుగుతోంది. అక్కడ ఫారిన్ ఫైటర్స్‌తో భారి యాక్షన్ ఎపిసోడ్‌ని షూట్ చేస్తున్నారు. ఈ ఫైట్ సినిమాకే హైలైట్‌గా ఉంటుందని అంటున్నారు.
ఇలా ఈ ఇద్దరు స్టార్ హీరోలు ఒకే చోట భారీ ఫైట్లు చేస్తుండడం ఇప్పుడు ఆసక్తికరంగా మారింది. షూటింగ్ గ్యాప్‌లో ఈ ఇద్దరు కలుస్తున్నారా? అనేది మరింత ఇంట్రెస్టింగ్‌గా మారింది. బన్నీ, తారక్ మధ్య మధ్య మంచి రాపో ఉంది. ఇద్దరు బావ బావ అంటూ.. సరదాగా ట్విట్టర్లో చాట్ చేస్తుంటారు. కాబట్టి గ్యాప్ దొరికితే చాలు.. ఇద్దరు కలుసుకొని తమ సినిమాల గురించి కబుర్లు చెప్పుకోవడం గ్యారెంటీ.. అని ఫ్యాన్స్ మురిసిపోతున్నారు. కానీ ఈ ఇద్దరు స్టార్ హీరోల సినిమాల్లో ఒకేసారి యాక్షన్ సీక్వెన్స్ షూట్ చేస్తుండడం విశేషం.
ఎన్టీఆర్ 30, పుష్ప2 సినిమాల పై భారీ అంచనాలున్నాయి. ఈ రెండు పాన్ ఇండియా(pan india) స్థాయిలో రాబోతున్నాయి. అది వచ్చే సమ్మర్‌లో కొద్ది రోజుల గ్యాప్‌తో రిలీజ్‌కు ప్లాన్ చేస్తున్నారు. మొత్తంగా బన్నీ, ఎన్టీఆర్ మాత్రం ఇప్పుడు ఇండస్ట్రీలో ఇంట్రెస్టింగ్ టాపిక్‌గా మారిపోయారు.
ఇది కూడా చూడండి: Virupaksha Movie : ‘విరూపాక్ష’ మూవీ మేకింగ్‌ వీడియో రిలీజ్
