Prabhas Salaar movie imax big screen booking august 25th 2023 usa
పాన్ ఇండియా స్టార్ హీరో ప్రభాస్(prabhas) యాక్ట్ చేసిన సలార్ మూవీ(sallar movie) పార్ట్ 1 విడుదలకు సిద్ధమైంది. అయితే ఈ చిత్రాన్ని పెద్ద తెరపై మునుపెన్నడూ లేని విధంగా మరింత గ్రాండ్‌గా చూపించేందుకు మేకర్స్ ప్లాన్ చేస్తున్నట్లు తెలిసింది. ఈ క్రమంలో ప్రపంచవ్యాప్తంగా IMAX ఫార్మాట్‌లో విడుదల చేయాలని భావిస్తున్నారు. థ్రిల్లింగ్ బ్యాక్‌గ్రౌండ్ స్కోర్‌తో కూడిన గ్రాండ్ కాన్వాస్‌తో ప్రేక్షకులను అలరించబోతోంది. ఈ వార్తను US డిస్ట్రిబ్యూటర్ అధికారికంగా ధృవీకరించారు కూడా. అంతేకాదు ప్రీమియర్ షోల ద్వారా IMAX పెద్ద స్క్రీన్‌ల బుకింగ్‌లు ఆగస్టు 25 నుంచి తెరవబడతాయని చెప్పినట్లు సమాచారం. ఈ నేపథ్యంలో అమెరికాలో ప్రభాస్ ఫ్యాన్స్ సిద్ధంగా ఉండాలని సోషల్ మీడియా ట్విట్టర్ వేదికగా ఫ్యాన్స్ ప్రభాస్ చిత్రాలను తెగ షేర్ చేస్తున్నారు. దీంతో #SalaarTakeOverUSA హ్యాష్ ట్యాగ్ సోషల్ మీడియాలో ట్రెండ్ అవుతోంది. దీంతో సలార్: పార్ట్ 1 కోసం ప్రభాస్ ఫ్యాన్స్ ఆత్రుతగా ఎదురుచూస్తున్నారు. ఈ మూవీ పార్ట్ 1.. రన్ టైన్ ఏకంగా 2 గంటల 55 నిమిషాలు అంటే దాదాపు 3 గంటలు ఉందని తెలిసింది.
ఈ మాస్ యాక్షన్ థ్రిల్లర్ మూవీ సెప్టెంబర్ 28, 2023న థియేటర్లలో రిలీజ్ కానుంది. ఈ చిత్రం టీజర్ ఇప్పటికే గత నెలలో విడుదలై యూట్యూబ్ ను షేక్ చేసింది. ఈ క్రమంలో త్వరలోనే ట్రైలర్ కూడా మేకర్స్ రిలీజ్ చేయనున్నారు. ఈ చిత్రంలో శృతి హాసన్, జగపతి బాబు, పృథ్వీరాజ్ సుకుమారన్ సహా పలువురు కీలక పాత్రల్లో యాక్ట్ చేశారు. ఈ మూవీకి అతిపెద్ద యాక్షన్ ఫ్రాంచైజీలలో ఒకటైన KGF దర్శకుడు, ప్రశాంత్ నీల్ డైరెక్షన్ చేశారు. హోంబలే ఫిల్మ్స్(hombale films) ఈ చిత్రాన్ని నిర్మించింది. మరోవైపు ఇప్పటికే ఈ సినిమా ప్రీ-బిజినెస్‌ను ప్రారంభించగా..రూ.800 కోట్లకు చేరినట్లు సమాచారం. మేకర్స్ సలార్ థియేట్రికల్, డిజిటల్, మ్యూజిక్ హక్కులను విక్రయించగా ఈ మొత్తం వచ్చినట్లు తెలుస్తోంది.
ఇది కూడా చూడండి: Aishwarya Lekshmi: కింగ్ ఆఫ్ కోతా హీరోయిన్ గురించి తెలుసా?
