సినీ నటుడు మోహన్ బాబు కి రాజకీయాలతో ప్రత్యక్షంగా సంబంధం లేకపోయినా… పరోక్షంగా ఉందనే చెప్పాలి. ఆయన నిత్యం ఏదో ఒక రాజకీయ పార్టీతో సంబంధం కొనసాగిస్తూ ఉంటారు. గతంలో… టీడీపీ, ఇటీవల వైసీపీతో సత్సంబంధాలు కొనసాగించిన ఆయన.. తాజాగా.. బీజేపీతో రిలేషన్ కొనసాగించాలని చూస్తున్నట్లు తెలుస్తోంది.
దీనిలో భాగంగా మోహన్ బాబు… ఏపీ బీజేపీ రాష్ట్ర అధ్యక్షుడు సొము వీర్రాజు ను కలిశారు. ఎమ్మెల్సీ ఎన్నికల నేపథ్యంలో వీరి భేటీ జరిగినట్లు తెలుస్తోంది. యువతకు ఉద్యోగ అవకాశాలు రావాలన్నా, రాయలసీమ అభివృద్ధి జరగాలన్నా బీజేపీకి మద్దతు ఇవ్వాలని కోరినట్లు తెలుస్తోంది. వీరిద్దరూ కలిసిన ఫోటోలు ప్రస్తుతం నెట్టింట వైరల్ గా మారాయి.
ఇదిలా ఉండగా… మోహన్ బాబు చిన్న కొడుకు మంచు మనోజ్ ఇటీవల రెండో వివాహం చేసుకున్నారు. రాజకీయాలతో సంబంధం ఉన్న కుటుంబంలోని భూమా మౌనికను మనోజ్ వివాహమాడాడు. కాగా… మనోజ్ రాజకీయాల్లోకి రాకున్నా.. మౌనిక వచ్చే అవకాశం ఉందని తెలుస్తోంది. మరి ఆమె ఏ పార్టీ నుంచి ఎన్నికల బరిలోకి దిగి తన అదృష్టాన్ని పరీక్షించుకుంటారో చూడాలి.
