హైదరాబాద్ మెట్రో(hyderabad metro) ప్రయాణికులకు గమనిక. ఎందుకంటే రేపటి( ఏప్రిల్ 1) నుంచి మెట్రో ఛార్జీలు పెరగనున్నాయి. రేట్లను భారీగా పెంచినట్లు తెలుస్తోంది. దీంతోపాటు L&T సంస్థ ఆఫ్-పీక్ అవర్స్ ఆఫర్‌ను ప్రవేశపెట్టింది. ఈ క్రమంలో కాంటాక్ట్‌లెస్ స్మార్ట్ కార్డులపై (CSC) నోటిఫైడ్ ఛార్జీలపై 10 శాతం తగ్గింపును అందిస్తున్నట్లు వెల్లడించింది. అయితే ఈ ఆఫర్ కేవలం ప్రయాణికుల రద్దీ లేని సమయాల్లో అంటే ఉదయం 6 నుంచి 8 గంటల వరకు, తర్వాత రాత్రి 8 నుంచి 11 గంటల వరకు మాత్రమే అమల్లో ఉంటుందని తెలిపింది.
అదనంగా సూపర్ సేవర్ ఆఫర్-59ను 1.3 మిలియన్లకు పైగా ప్రయాణికులు ఉపయోగించుకుంటున్నారు. ఇది మార్చి 31న ముగియనుంది. ఈ నేపథ్యంలో L&T MRHL కొత్త సూపర్ సేవర్ ఆఫర్-99ని ఏప్రిల్ 1వ తేదీ నుంచి మార్చి 31, 2024 వరకు ప్రవేశపెట్టినట్లు వెల్లడించింది.
చదవండి: Parineeti Chopra: ఎంపీతో హీరోయిన్ పరిణీతి చోప్రా మ్యారేజ్ ఫిక్స్?
ప్రయాణీకులు 100 నోటిఫైడ్ హాలిడేస్‌లో రూ.99తో అపరిమితంగా ప్రయాణించవచ్చని స్పష్టం చేసింది. SSO-99 ఆఫర్ అంతకు ముందు రూ.59 స్మార్ట్ కార్డ్‌ల మాదిరిగా ఉండేది. ఇప్పుడు వాటిని రూ.99కి పెంచేశారు. SSO-99 ఆఫర్ వర్తించే నోటిఫైడ్ సెలవుల జాబితా ఆన్‌లైన్‌, స్టేషన్‌లలో అందుబాటులో ఉంటుందని పేర్కొన్నారు.
ప్రస్తుతం హైదరాబాద్ మెట్రో టైన్స్ మూడు కారిడార్‌లలోని 69 కిలోమీటర్లు, 57 స్టేషన్‌ల మీదుగా ప్రతిరోజూ ప్రయాణిస్తున్నాయి. ఈ క్రమంలో సుమారు 4.4 లక్షల మంది ప్రయాణికులను అనేక ప్రాంతాలకు రవాణా చేస్తోంది. ఈ మార్పులు ప్రయాణీకులకు మరింత ఎక్కువ వినియోగాన్ని అందించగలవని L&TMRHL, MD & CEO, KVB రెడ్డి అభిప్రాయం వ్యక్తం చేశారు.
చదవండి: Parineeti Chopra: ఎంపీతో హీరోయిన్ పరిణీతి చోప్రా మ్యారేజ్ ఫిక్స్?
