కేంద్ర కేబినెట్ కీలక నిర్ణయం తీసుకుంది. మహిళా రిజర్వేషన్ బిల్లుకు కేబినెట్ ఆమోదం తెలిపింది. దీంతో పార్లమెంటు, అసెంబ్లీలో మహిళలకు 33 శాతం రిజర్వేషన్లు లభించనున్నాయి.
ప్రధాని నరేంద్ర మోదీ అధ్యక్షతన కేంద్ర కేబినెట్ సమావేశం జరిగింది. సోమవారం సాయంత్రం మంత్రి మండలి భేటీ అయ్యి రెండు గంటల పాటు కీలక అంశాలపై చర్చలు జరిపింది. ఈ నేపథ్యంలో మహిళా రిజర్వేషన్ బిల్లుకు కేంద్ర మంత్రి మండలి ఆమోదం తెలియజేసింది. దీంతో ఈ పార్లమెంట్ సమావేశాల్లోనే బిల్లును ప్రవేశపెట్టే అవకాశం ఉంది. ఈ మహిళా బిల్లు పార్లమెంట్ సభలో ఆమోదం పొంది చట్టంగా మారితే చట్టసభల్లో మహిళలకు 33 శాతం రిజర్వేషన్లు లభించనున్నాయి.
చదవండి: COBRA Commandos: జమ్మూకశ్మీర్‌లో తొలిసారి అడుగుపెడుతోన్న కోబ్రా యూనిట్..ప్రత్యేకతలివే
పార్లమెంట్‌లో నేడు మోడీ మాట్లాడుతూ కీలక అంశాలను ప్రస్తావించారు. చారిత్రక పార్లమెంట్ భవనానికి నేటితో వీడ్కోలు చెప్పారు. కొత్త భవనంలో రేపటి నుంచి సమావేశాలు జరగనున్నట్లు తెలిపారు. 75 ఏళ్లలో అనేక ఘట్టాలకు వేదికగా నిలిచిన పార్లమెంట్ భవనాన్ని, అందులో జరిగిన తీపి, చేదు అనుభవాలను ఆయన గుర్తు చేసుకున్నారు.
చదవండి: Aditya L1: గుడ్‌న్యూస్ చెప్పిన ఇస్రో.. ఆదిత్య ఎల్ 1తో కీలక సమాచారం!
చంద్రునిపై ఉన్న విక్రమ్ ల్యాండర్, ప్రజ్ఞాన్‌ రోవర్ ఇంకా స్లీప్ మోడ్ లోనే ఉన్నాయి. దీంతో చంద్రయాన్3 నుంచి ఇస్రోకు సిగ్నల్స్ రావడం లేదు. అయితే చంద్రునిపై మరో 5 రోజులు మాత్రమే వెలుగు ఉంటుంది. ఈ ఐదు రోజులే మిగిలి ఉండటంతో ల్యాండర్, రోవర్ సిగ్నల్స్ కోసం ఇస్రో ఎంతగానో ఎదురుచూస్తోంది.
