AP: తిరుపతిలో శ్రీవెంకటేశ్వర జంతు ప్రదర్శనశాలలో ఇవాళ మధు అనే రాయల్ బెంగాల్ టైగర్ మృత్యువాతపడింది. 2018లో 11ఏళ్ల వయస్సు ఉన్న ఈ పులిని బెంగళూరులోని బన్నెరగట్ట బయోలాజికల్ పార్క్ నుంచి తీసుకొచ్చినట్లు అధికారులు తెలిపారు. గత రెండు నెలలుగా తగిన ఆహారం, నీరు తీసుకోవడం లేదని అన్నారు. ఈ పులి కళేబరానికి తిరుపతి ఎస్వీ వెటర్నరీ కళాశాలలో పోస్టుమార్టం నిర్వహించారన్నారు. వృద్ధాప్యం కారణంగానే మృతి చెందినట్లు చెప్పారు.
