ఏపీలోని ఉద్యోగులు(Ap Employees), పెన్షనర్ల(Pensionars)కు ఏపీ సర్కార్ గుడ్ న్యూస్ చెప్పింది. 2022 జనవరి 1వ తేది నుంచి పెండింగ్ లో ఉన్నటువంటి డీఏ బకాయిలను(Pending DA) మంజూరు చేస్తున్నట్టు అధికారికంగా ప్రకటించింది. సోమవారం ఈ విషయంలో అధికారికంగా ఏపీ సర్కార్(AP Government) ఉత్తర్వులను జారీ చేసింది. ఈ నేపథ్యంలో రెండు జీవో(GO’s)లు విడుదల చేస్తూ ఆంధ్రప్రదేశ్ ప్రభుత్వం(AP Government) ప్రకటన విడుదల చేసింది. ఏపీలోని ఉద్యోగులకు డీఏ(DA RElease) మంజూరు చేస్తూ జీవో నెం.66, పెన్షనర్ల(Pensionars)కు డీఏ మంజూరు చేస్తూ జీవో నెం.67ను తీసుకొస్తున్నట్లు తెలిపింది. ఈ డీఏను ఈ ఏడాది జులై 1వ తేది నుంచి జీతంతో కలిపి ఇవ్వనున్నట్లు ఏపీ సర్కార్ తెలిపింది. డీఏ బకాయిలను ఈ ఆర్థిక సంవత్సరంలో మూడు సమాన వాయిదాలలో చెల్లిస్తారని సమాచారం. కాగా, తాజా డీఏ(DA)తో కలిపి రాష్ట్ర ప్రభుత్వ ఉద్యోగుల డీఏ శాతం 22.75కి పెరుగనుంది.
