NDL: శ్రీశైలంలో కొలువైన శ్రీభ్రమరాంబిక, మల్లికార్జున స్వామివార్లకు శుక్రవారం రాత్రి ఊయలసేవ పూజలు వైభవంగా జరిగాయి. ఆలయ వేదపండితులు, అర్చకులు స్వామి అమ్మవార్ల ఉత్సవ మూర్తులను విశేషంగా అలంకరించారు. వివిధ రకాల పుష్పాలతో అలంకరించి గణపతిపూజ, పుణ్యాహవాచనం, అలంకార హారతులు చేపట్టారు. లోకకళ్యాణం, అందరూ ఆయురారోగ్యాలతో ఉండాలని కోరుతూ పూజలు చేపట్టినట్లు తెలిపారు.