Prashant Kishor On 2024 Elections : వైఎస్‌ జగన్‌మోహన్‌రెడ్డికి వచ్చే ఎన్నికల్లో ఓటమి తప్పదని ప్రముఖ ఎన్నికల వ్యూహకర్త ప్రశాంత్‌ కిషోర్‌ వ్యాఖ్యానించారు. 2019లో ఆ పార్టీ విజయంలో ప్రశాంత్‌ కిషోర్‌ వెనకుండి నడిపించారు. వైసీపీ ప్రచార వ్యూహకర్తగా వ్యవహరించారు. ఈ నేపథ్యంలో ఆయన చేసిన వ్యాఖ్యలు రాజకీయ వర్గాల్లో చర్చనీయాంశంగా మారాయి.
చదవండి : మాజీ క్రికెటర్‌ రోహిత్ శర్మ కన్నుమూత
హైదరాబాద్‌లో ఓ కార్యక్రమంలో పాల్గొన్న ప్రశాంత్‌ కిషోర్‌ ఏపీ ఎన్నికలపై ఈ వ్యాఖ్యలు చేశారు. జగన్‌ మోహన్‌ రెడ్డి సంక్షేమ పథకాల పేరుతో అభివృద్ధిని గాలికి వదిలేశారన్నారు. ఉచిత పథకాలతో పాటు అభివృద్ధి కూడా ముఖ్యమేనన్నారు. చదువుకున్న వాళ్లు ఉచిత పథకాలను కోరుకోవడం లేదని ఉద్యోగాలు కోరుకుంటున్నారని అన్నారు.
చదవండి : ఈ వారం థియేటర్లో, ఓటీటీలో అలరించే శివరాత్రి స్పెషల్ మూవీస్
గత ఎన్నికల్లో వైసీపీ వ్యూహకర్తగా ప్రశాంత్‌ కిషోర్‌ పని చేశారు. దీంతో అప్పుడు ఆ పార్టీ ఏపీలో 151 సీట్లతో విజయ ఢంకా మోగించింది. ఆ తర్వాత నుంచి జగన్‌ ప్రశాంత్‌ కిషోర్ను దూరం పెడుతూ వచ్చారు. అప్పటి నుంచి ఆ పార్టీని గమనిస్తూ ఉన్న ప్రశాంత్‌ పలు సందర్భాల్లో జగన్‌ పాలన బాలేదంటూ వ్యాఖ్యలు చేశారు. ఇదిలా ఉండగా కొంత కాలం క్రితం ఆయన టీడీపీ అధినేత చంద్రబాబు నాయుడు, జనసేన అధ్యక్షుడు పవన్ కళ్యాణ్‌లను ఉండవల్లిలోని చంద్రబాబు నివాసంలో కలిశారు. దాదాపు 3 గంటల పాటు వివిధ అంశాలపై చర్చించారు. దీంతో ఇప్పుడు ఈ వ్యాఖ్యలు ప్రాధాన్యతను సంతరించుకున్నాయి.
