Nara lokesh post : మేదరమెట్ల సిద్ధం సభలో ముఖ్యమంత్రి జగన్మోహన్‌ రెడ్డి ప్రచారం చేసుకున్న జనం అంతా గ్రాఫిక్స్‌ అంటూ టీడీపీ జాతీయ ప్రధాన కార్యదర్శి నారా లోకేశ్(Nara Lokesh) అన్నారు. ఈ విషయంపై ఆయన తన ఎక్స్‌(ట్విట్టర్‌) ఖాతాలో ఓ పోస్ట్‌ పెట్టారు. మేదర మెట్ల సభలో సీఎం చూపించుకున్న జనం అంతా గ్రాఫిక్సే అంటూ ఆధారాలతో సహా బయటపెట్టారు. ఈ మేరకు ఫోటోలను ఆయన తన ఖాతాలో పోస్ట్‌ చేశారు.
చదవండి : అల్‌ ఖైదా ఉగ్రవాది మృతి!
ఫొటో మార్ఫింగ్ ఎలా చేశారన్నదానిపై లోకేశ్(lokesh) ఆధారాలతో సహా ఈ ఫోటోలను పోస్ట్‌ చేయడం గమనార్హం. ఈ ఫోటోల్లో ఒక దగ్గర ఉన్న జనం, అదే ఫోటోలో రెండు, మూడు చోట్ల గమనించడం అందరినీ ఆశ్చర్యానికి గురి చేసింది. అలా ఫోటోలను ఎలా మార్ఫింగ్ చేశారో ఎర్రటి బాక్సులు వేసి మరీ ఆ ఫోటోలను లోకేష్‌ షేర్‌ చేశారు.
చదవండి : ఆస్కార్ అవార్డుల విజేతులు వీళ్లే!
ఈ విషయంపై లోకేష్‌ ఘాటుగా స్పందించారు. ఏకంగా మార్ఫింగ్(Morphing) చేసిన ఫోటోలను ప్రచారం చేసుకోవడం చరిత్రలో ఎప్పుడైనా చూశారా? అని ఆయన స్పందించారు. డ్రోన్‌ చిత్రాలు, గ్రీన్‌ మ్యాట్తో దొరికిపోయారని, ఇప్పుడు ఏకంగా మార్ఫింగ్(Morphing) ఫోటోలు వదిలారని ఎద్దేవా చేశారు. జగన్‌కు ప్రజల మద్దతు లేదన్నారు. ఎంత ప్రయత్నించినా ఆయనను తాము చిత్తుగా ఓడించడం ఖాయమని వెల్లడించారు.
