Fire accident in boat at kakinada 11 people just miss
ఆంధ్రప్రదేశ్లో మరో బోటు(boat) అగ్ని ప్రమాదానికి గురైంది. కాకినాడ(kakinada) సమీపంలోని బంగాళాఖాతం సముద్ర తీరంలో ఉన్న ఓ బోటులో ఈ అగ్ని ప్రమాదం(fire accident) చోటుచేసుకుంది. అయితే ఇంజిన్లో చేలరేగిన మంటల కారణంగా బోటులో ఉన్న గ్యాస్ సిలిండర్ పేలడంతో పెద్ద ఎత్తున మంటలు చెలరేగాయి. ఆ క్రమంలో బోటులో 11 మంది మత్య్సకారులు ఉండగా..వెంటనే వారు కాకినాడ తీరంలో గస్తీ నిర్వహించే కోర్టుగార్డు సిబ్బందికి సమాచారం అందించారు.
వెంటనే రంగంలోకి దిగిన రెస్క్యూ సిబ్బంది వారిని రక్షించారు. కానీ బోటు మాత్రం పూర్తిగా కాలిపోయింది. ఆ నేపథ్యంలో అగ్ని ప్రమాదం కారణంగా సుమారు రూ.80 లక్షల ఆస్తినష్టం సంభవించినట్లు మత్య్సకారులు చెబుతున్నారు. అయితే మత్య్సకారులు ప్రతిసారి దూరప్రయాణం చేసినప్పుడు వారి నిత్యవసరాలతోపాటు వంట గ్యాస్(gas cylinder) కూడా వారితోపాటు తీసుకెళ్తారు. ఆ సమయంలో వంట చేసుకుని భోజనం చేస్తు కొన్ని రోజులు వారు ప్రయాణం చేస్తుంటారు. వారం రోజుల క్రితం ఎప్పటిలాగే చేపలవేటకు వెళ్లిన మత్య్సకారులు తిరిగి వస్తున్న క్రమంలో ఈ ప్రమాదం చోటుచేసుకుంది. మరో నాలుగు గంటల్లో కాకినాడ చేరుకుంటామనుకుంటున్న నేపథ్యంలోనే ఇది జరిగింది.
ఇది కూడా చూడండి: Conductor కాదు రాక్షసుడు.. బస్సు ఆపమంటే, చక్రాల కింద పడేశాడు
