Chandrababu should provide Rs 25000 thousand to the victims of the michaung cyclone
Chandrababu : వైసీపీకి ఇంకా 87 రోజుల సమయం మాత్రమే ఉందని.. కౌంట్ డౌన్ స్టార్ట్ అయిందని టీడీపీ అధినేత చంద్రబాబు హెచ్చరించారు. ఈ ఉదయం చంద్రబాబు, పవన్ కళ్యాణ్ భోగి మంటలు వేశారు. అనంతరం ఏపీలోని వివిధ సమస్యల చిత్రపటాలు.. జీవో కాపీలను భోగి మంటల్లో తగులబెట్టారు. ఈ సందర్భంగా చంద్రబాబు మాట్లాడుతూ… నేటి నుంచి 87 రోజులే… కౌంట్ డౌన్ మొదలైందని.. లెక్క చేయవద్దని హెచ్చరించారు.
చదవండి:Hanuman : ఆ సినిమా తీసినది నా కొడుకు.. ప్రౌడ్ ఫాదర్ మూమెంట్
దేవుళ్ల రాజధానిని రాక్షసులు దోచుకున్నట్లే అమరావతిని వైసిపి కొల్లగొట్టిందని దుయ్యబట్టారు. అమరావతి మన రాజధాని. త్వరలోనే ఇక్కడి నుంచి పేదల పాలన ప్రారంభం కానుంది. రాజధాని ఇక్కడే ఉంటుందని టీడీపీ-జనసేన హామీ ఇస్తున్నాయని బాబు పేర్కొన్నారు.
చదవండి:PM Modi : మంత్రి మురుగన్ నివాసంలో సంక్రాంతి సంబరాలు..పంచెకట్టిన మోడీ వీడియో వైరల్
సంక్రాంతి రోజున అంగన్‌వాడీలను రోడ్డున పడేశారు… యువతకు ఉపాధి కల్పిస్తామని టీడీపీ-జనసేన పార్టీ హామీ ఇచ్చింది. అందరికి అండగా నిలవాల్సిన బాధ్యత మా రెండు పార్టీలదేనని భరోసా ఇచ్చారు. కరువు మండలాలను వైసీపీ ప్రభుత్వం పట్టించుకోవడం లేదని, కేంద్ర సాయం రాకుండా అడ్డుకుంటున్నారని బాబు ఫైర్ అయ్యారు.
