jr NTR and Janhvi Kapoor who went to Goa for devara movie shooting
టాలీవుడ్ స్టార్ హీరో జూనియర్ ఎన్టీఆర్(jr NTR), బాలీవుడ్ ముద్దుగుమ్మ జాన్వీ కపూర్(Janhvi Kapoor) కలిసి యాక్ట్ చేస్తున్న చిత్రం దేవర(devara). ఈ మూవీ పార్ట్ 1 షూట్ షెడ్యూల్ శరవేగంగా జరుగుతుంది. అయితే ఈ మూవీలో ఎక్కువ భాగం సౌత్ ఇండియాలోని సముద్ర తీరంలో జరగుతున్నట్లు తెలుస్తోంది. ఆ క్రమంలోనే తాజాగా గోవా(goa)లో షెడ్యూల్ షూటింగ్ ప్రారంభమైంది. ఇక్కడ కీలకమైన యాక్షన్ సన్నివేశాలు, హీరో, హీరోయిన్లపై ఒక పాటను చిత్రీకరించాలని మేకర్స్ భావిస్తున్నారు. ఈ నేపథ్యంలో ఇప్పటికే జూనియర్ ఎన్టీఆర్ గోవాకు బయలుదేరగా..ఇక జాన్వీ కూడా జాయిన్ అవుతుందని మేకర్స్ చెబుతున్నారు.
రెండు భాగాలుగా విడుదల కానున్న ఈ మాస్ కమర్షియల్ యాక్షన్ థ్రిల్లర్‌ దేవర మూవీలో ఎన్టీఆర్ సరసన జాన్వీ కపూర్(Janhvi Kapoor) కథానాయికగా టాలీవుడ్ లోకి అరంగేట్రం చేస్తోంది. దీంతోపాటు బాలీవుడ్ సీనియర్ నటుడు సైఫ్ అలీ ఖాన్ కూడా దేవరలో విలన్ గా యాక్ట్ చేస్తున్నారు. ఇక శ్రీకాంత్, మురళీ శర్మ, షైన్ టామ్ చాకో, ప్రకాష్ రాజ్ సహా ఇతరులు ఈ మూవీలో కీలకమైన పాత్రల్లో యాక్ట్ చేస్తున్నారు. కొరటాల శివ దర్శకత్వం వహిస్తున్న ఈ చిత్రానికి అనిరుధ్ రవిచందర్ స్వరాలు సమకూరుస్తుండగా, ఎన్టీఆర్ ఆర్ట్స్, యువసుధ ఆర్ట్స్ సంయుక్తంగా నిర్మిస్తున్నాయి. ఈ ఎపిక్ యాక్షన్ డ్రామాను ఏప్రిల్ 5, 2024న రిలీజ్ చేయడానికి మేకర్స్ ప్లాన్ చేస్తున్నారు.
ఇది కూడా చూడండి: Warnerకి బన్నీ బర్త్ డే విషెస్.. పోస్ట్ వైరల్
