తమిళనాడు (Tamilnadu)లో దారుణం జరిగింది. ఘోర అగ్ని ప్రమాదంలో (Fire Accident) 9 మంది దుర్మరణం చెందారు. అరియలూరు జిల్లాలోని ఓ బాణాసంచా తయారీ కేంద్రం (Fireworks Manufacturing Centre)లో సోమవారం ఈ ఘటన చోటుచేసుకుంది. ఈ ఘటనపై తమిళనాడు సీఎం ఎంకే స్టాలిన్ (CM Stalin) స్పందించారు. సంతాపం తెలియజేస్తూ మృతుల కుటుంబాలకు ఎక్స్‌గ్రేషియోను (Exgratia) ప్రకటించారు.
చదవండి: Jagtial: బర్త్‌డే పార్టీకి వెళ్లి.. విషాదం!
అగ్ని ప్రమాదం (Fire accident)లో చనిపోయినవారి కుటుంబాలకు రూ.3 లక్షలు, ప్రమాదంలో గాయపడ్డ వారికి రూ.50 వేల చొప్పున ఎక్స్‌గ్రేషియోను ఇవ్వనున్నట్లు వెల్లడించారు. జిల్లాలోని విరగలూరు గ్రామంలో ఓ ప్రైవేటు బాణాసంచా యూనిట్లో ఈ ఘటన జరిగింది. అయితే ప్రమాదానికి గల కారణాలు తెలియడం లేదని పోలీసులు వెల్లడించారు.
చదవండి: Road accident : కడప జిల్లాలో ఆర్టీసీ బస్సును ఢీకొన్న ఆటో..నలుగురు మృతి
ఈ అగ్ని ప్రమాదంలో ఐదుగురికి తీవ్రంగా గాయాలు అయ్యాయి. క్షతగాత్రులను తంజావూరు (Thanjavur)లోని మెడికల్ కాలేజీ (Medical College)లో చేర్పించి చికిత్స అందిస్తున్నట్లుగా అధికారులు తెలిపారు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నట్లు వెల్లడించారు.
