PM Modi : ముందు నుంచి అనుకున్నట్లే కర్ణాటక ఎన్నికల్లో కాంగ్రెస్(Congress) పార్టీ తిరుగు లేని భారీ విజయాన్ని నమోదు చేసింది. కౌంటింగ్ ప్రారంభమైన దగ్గరనుంచి కాంగ్రెస్ పార్టీ మెజార్టీ కొనసాగిస్తూనే ఉంది. చివరకి రాష్ట్రంలోని మొత్తం 224 నియోజకవర్గాలకు జరిగిన ఎన్నికల్లో కాంగ్రెస్ 136 సీట్లను సొంతం చేసుకుంది. భారతీయ జనతా పార్టీ(BJP)కి 65, జేడీఎస్‌(JDS) 19, ఇతరులు 4 స్థానాలు దక్కాయి. ఇక కర్ణాటకలో కాంగ్రెస్ పార్టీ విజయం సాధించడంపై ప్రధాని నరేంద్ర మోడీ(PM Modi) స్పందించారు. ఈ సందర్భంగా గెలిచిన పార్టీకి, నాయకులకు అభినందనలు తెలిపారు. ఈ మేరకు అధికారిక ట్వీట్‌ చేశారు.
చదవండి :Jodhpur: అక్కడ ఇళ్లన్నీ నీలం రంగులోనే ఉంటాయి ఎందుకో తెలుసా?
కర్ణాటక అభివృద్ధికి మా పూర్తి సహకారం ఎప్పుడూ ఉంటుంది. కర్ణాటక ప్రజల ఆకాంక్షలను కాంగ్రెస్ ప్రభుత్వం నెరవేరుస్తుందని ఆశిస్తున్నట్లు ప్రధాని నరేంద్ర మోడీ ట్వీట్టర్(Twitter) వేదికగా ప్రకటించారు. కర్ణాటక ఎన్నికల్లో మాకు మద్దతుగా నిలిచిన వారందరికీ ధన్యవాదాలు. బీజేపీ కార్యకర్తల కృషిని నేను అభినందిస్తున్నాను. రాబోయే కాలంలో మరింత శక్తితో కర్ణాటకకు సేవ చేస్తామని ప్రధాని నరేంద్ర మోడీ అన్నారు.
చదవండి :Vimanam Teaser: ‘విమానం’ టీజర్ విడుదల
అయితే బీజేపీ పార్టీ ఘోరంగా కర్ణాటకలో ఓటమి పాలైంది. దీంతో శనివారం రాత్రికి ప్రస్తుత కర్ణాటక ముఖ్యమంత్రి బస్వరాజ్ బొమ్మై రాజీనామా చేసే అవకాశం ఉంది. కాగా.. రేపు కాంగ్రెస్ పార్టీ నేతలు కీలక సమావేశం కానున్నారు. ఈ మీటింగ్ లో ముఖ్యమంత్రిగా ఎవరిని ఎన్నుకుంటారనే దానిపై ప్రధానంగా చర్చ జరిగే అవకాశం ఉంది. అలాగే గెలిచిన ఎమ్మెల్యేలు చేజారిపోకుండా ఉండేందుకు గెలిచిన వారిని హస్తం నేతలు ప్రత్యేకంగా ఏర్పాటు చేసిన హోటల్స్ కు తరలిస్తున్నారు. దీంతో రేపు సమావేశం కానున్న సీఎల్పీ భేటీ తర్వాత సోమవారం కాంగ్రెస్ పార్టీకి చెందిన కీలక నేత కర్ణాటక సీఎంగా ప్రమాణస్వీకారం చేస్తారు.
Congratulations to the Congress Party for their victory in the Karnataka Assembly polls. My best wishes to them in fulfilling people’s aspirations.
— Narendra Modi (@narendramodi) May 13, 2023
