కేరళలోని శబరిమల అయ్యప్ప ఆలయంలో భక్తుల రద్దీ కొనసాగుతుంది. గతేడాదితో పోలిస్తే ఈసారి స్వామివారి దర్శనానికి రెట్టింపు సంఖ్యలో భక్తులు తరలొస్తున్నారు. మండల-మకరవిళక్కు సీజన్లో భాగంగా 9 రోజుల్లోనే 6 లక్షలకుపైగా భక్తులు అయ్యప్పను దర్శించుకున్నారని ట్రావెన్ కోర్ దేవస్వామ్ బోర్డు వెల్లడించింది. ఈనెల 16న ఆలయం తెరచుకోగా.. ఇప్పటివరకు 6,12,290 మంది దర్శించుకున్నట్లు టీబీడీ అధ్యక్షుడు పీఎస్ ప్రశాంత్ వెల్లడించారు.
