PM Modi Russia Ukraine Visit : ప్రధాన మంత్రి నరేంద్ర మోదీ రష్యా, ఉక్రెయిన్‌ అధ్యక్షులతో ఒక్కరోజే ఫోన్‌లో మాట్లాడారు. తొలుత రష్యా అధ్యక్షుడు పుతిన్‌తో ఆయన ఫోన్‌లో( Phone) సంభాషించారు. ఈ విషయాన్ని స్వయంగా ప్రధాని తన ఎక్స్‌ ఖాతాలో బుధవారం ట్వీట్‌ చేశారు. పుతిన్‌ భారీ ఆధిక్యంతో గెలిచి ఐదో సారి తిరిగి రష్యా అధ్యక్షుడిగా బాధ్యతల్లోకి వచ్చారు. ఈ సందర్భంగా ఆయనతో మాట్లాడిన మోదీ ఆయనకు శుభాకాంక్షలు చెప్పారు. అలాగే ఉక్రెయిన్‌తో చర్చల ద్వారానే సమస్యల్ని వీలైనంత తొందరగా పరిష్కరించుకోవాలని కోరారు. ఈ సందర్భంగా పుతిన్‌ మోదీని రష్యాకు ఆహ్వానించారు. లోక్‌ సభ ఎన్నికల తర్వాత తమ దేశంలో పర్యటించాల్సిందిగా ఆహ్వానించారు.
చదవండి : 50 రోజుల్లో కల్కి.. ఇక కంప్లీట్ చేయనున్న ప్రభాస్?
రష్యా అధ్యక్షుడితో మాట్లాడిన అనంతరం మోదీ(Modi) ఉక్రెయిన్‌ అధ్యక్షుడు జెలెన్‌స్కీతోనూ(Zelenksy) ఫోన్‌లో(Phone) మాట్లాడారు. రష్యా- ఉక్రెయిన్‌ సంక్షోభానికి సాధ్యమైనంత త్వరగా శాంతియుత పరిష్కారం చేసుకోవాలని సూచించారు. అందుకు భారత్‌ కూడా కృషి చేస్తుందని చెప్పారు. యుద్ధ సమయంలో భారత్‌ ఉక్రెయిన్‌కు అందిస్తున్న మానవతా సాయాన్ని కొనసాగిస్తుందని చెప్పారు. జెలెన్‌స్కీకి కూడా దౌత్య మార్గాల ద్వారానే సమస్యల్ని ఆ రెండు దేశాలూ పరిష్కరించుకోవాలని చెప్పారు. ఉక్రెయిన్‌కు భారత్‌ అందిస్తున్న సాయంపై జెలెన్‌స్కీ ప్రశంసలు కురిపించారు. ఎన్నికల అనంతరం తమ దేశాన్ని మోదీ సందర్శించాలని ఆయన కోరారు.
చదవండి : బురదలో చిరంజీవి.. అందుకే మెగాస్టార్ అయ్యారు!
వాస్తవానికి ప్రధాని నరేంద్ర మోదీ మార్చి 21, 22 తేదీల్లో భూటాన్‌లో పర్యటించాల్సి ఉంది. అయితే ప్రతికూల వాతావరణ పరిస్థితులు ఉండటంతో ఆ పర్యటన తాత్కాలికంగా వాయిదా పడినట్లు కేంద్ర విదేశాంత మంత్రిత్వ శాఖ ప్రకటించింది. మళ్లీ ఆయన ఎప్పుడు పర్యటనకు వెళతారనే విషయాన్ని వెల్లడిస్తామని తెలిపింది.
