Lamborghini Car : ఒకటి కాదు.. రెండు కాదు ఏకంగా రూ.3 కోట్ల విలువైన లంబోర్గిని కారును ప్రముఖ యూట్యూబర్ ముక్కలు ముక్కలు చేశాడు. అతడికి ఏమైనా పిచ్చా. అంత విలువైన కారును ఎందుకు నాశనం చేశాడు అనే డౌట్ మీకు రావచ్చు. అందులోనూ అది లంబోర్గిని కారు. లగ్జరీకే అది కేరాఫ్ అడ్రస్. అంత మంచి కారును ఎందుకు అలా చేసినట్టు అని అనుకుంటున్నారు కదా. పదండి అసలు విషయం ఏంటో తెలుసుకుందాం.
దీన్నే మార్కెటింగ్ స్టంట్ అంటారు. రష్యాకు చెందిన యూట్యూబర్ మిఖేల్ లిట్విన్ గురించే ఇప్పుడు మనం చెప్పుకునేది. అతడి దగ్గర లంబోర్గిని ఉరస్ ఎస్‌యూవీ కారు ఉంది. ఇలాంటి కారునే ఆ మధ్య టాలీవుడ్ హీరో జూనియర్ ఎన్టీఆర్ ఇంపోర్ట్ చేయించుకొని మరీ హైదరాబాద్ కు తెప్పించుకున్నారు. అలాంటి మోడల్ కారునే ఈ యూట్యూబర్ ధ్వంసం చేసేశాడు. దాని ధర మన కరెన్సీలో రూ.3.15 కోట్లు. అయితే.. అంత వాల్యూ ఉన్న కారును ఊరికే నాశనం చేయడానికి మనోడేమీ పిచ్చోడు కాదు. లిట్విన్ కు ఎనర్జీ డ్రింక్ బ్రాండ్ లిట్ ఎనర్జీ అనే ఒక కంపెనీ ఉంది. అది ఎనర్జీ డ్రింక్ అన్నమాట. దాని ప్రమోషన్ కోసమే ఇంత పని చేశాడు.
లిట్విన్‌కి యూట్యూబ్ చానెల్ ఉందని చెప్పుకున్నాం కదా. అతడి యూట్యూబ్ చానెల్ కు 10 మిలియన్ సబ్ స్క్రైబర్స్ ఉన్నారు. పెద్ద క్రేన్ పెట్టి లిట్ ఎనర్జీకి చెందిన పెద్ద టిన్ ను పైన వేలాడదీశాడు. దాని కిందనే లంబోర్గిని కారును పెట్టారు. క్రేన్ తాడును తెంపగానే నేరుగా టిన్ వెళ్లి కారు మీద పడి కారు నుజ్జునుజ్జు అయింది. ఈ వీడియోను యూట్యూబ్ లో అప్ లోడ్ చేయడంతో 7 మిలియన్ వ్యూస్ రావడంతో పాటు మనోడి ఎనర్జీ డ్రింక్ బ్రాండ్ కు కూడా కావాల్సినంత ప్రమోషన్ దక్కింది. బ్రాండ్ ప్రమోషన్ కోసం ఏకంగా రూ.3.15 కోట్ల విలువైన కారును నుజ్జునుజ్జు చేయాల్సి వచ్చింది. అయితే.. లిట్విన్ అలా అంత విలువైన కారును ధ్వంసం చేయడంపై నెటిజన్లు ట్రోల్ కూడా చేస్తున్నారు. డబ్బులు ఏమైనా ఊరికే వస్తున్నాయా? అంటూ నెటిజన్లు ఫైర్ అవుతున్నారు.
View this post on Instagram
