మనిషి జీవితంలో అద్భుతమైన కాలం.. బాల్యం. ఎవరిని అడిగా ఈ విషయమే చెప్తారు. తెలిసీ తెలియని వయసులో పాలబుగ్గల నవ్వులో, అమాయకత్వంతో కూడిన బాల్యంలో ఏం చేసినా ముద్దుగానే ఉంటుంది. ముఖ్యంగా నాలుగేళ్లనుంచి ఏడేళ్ల వయసులో తెలిసీ తెలియని పసి హృదయాలు చేసే ప్రతీ పని ఆకట్టకునేలానే ఉంటుంది. తాజాగా ఇద్దరు మగ పిల్లల వీడియో సోషల్ మీడియాలో వైరల్ అయింది. వీడియోలో వీరిని చూసిన ప్రతీ ఒక్కరు తమ బాల్యాన్ని నెమరేసుకున్నారు. చెమర్చిన కళ్లతో ఆనందిస్తున్నారు. మరొక్కసారి వారి బాల్యంలోకి వెళ్లి వస్తున్నారు.
ఇది కూడా చూడండి: Insta, Facebook స్మార్ట్ ఫోన్ తెచ్చిన తంటా.. 15 రోజులకే పెళ్లి పెటాకులు
ఇద్దరు అబ్బాయిలు సైకిల్ తొక్కుతున్న వీడియో ట్విట్టర్ లో వైరల్ అయింది. అయితే పిల్లలిద్దరూ చెరోవైపు నుంచి చేరో పైడిల్ ను తొక్కుతున్నారు. సమిష్టిగా, సరిగ్గా ఒకరి తరువాత మరొకరకు పైడిల్ ను తొక్కుతుంటే చూడముచ్చటగా ఉంది. అందులోనూ అది ప్రశాంతమైన పచ్చిక బయల్ల మధ్య ఉన్న రోడ్డుపై తొక్కుతున్నారు. చూసే వారికి ఆనందంతో పాటు ఆహ్లాదం కూడా కలిగింది. తుంటరి తనమైన విషయం ఏమిటంటే ఇద్దరి చెడ్డీలు సైకిల్ తొక్కుతున్నప్పుడు చిన్నగా జారిపోతున్నాయి.
https://twitter.com/HumansNoContext/status/1663817865193979906
ఊర్లో పుట్టి పెరిగిన ప్రతీ వ్యక్తి తన బాల్యంలో తనకు ఇష్టమైన స్నేహితుడితో ఇలాగే చేసి ఉండవచ్చు. అప్పటికింకా కల్మషం లేని పసి హృదయాలు నచ్చిన స్నేహితుడితో షికారుకు వెళ్లేవి. ఇదిలా ఉంటే… ‘టీమ్ వర్క్ మేక్స్ ది డ్రీమ్ వర్క్’ team work make the dream work అనే సామేత మీరు వినే ఉంటారు. అందుకు అచ్చమైన ఉదాహరణే ఈ వీడియో అని నెటిజన్లు కామెంట్ చేస్తున్నారు. ఈ మధురమైన వీడియోకు ఇప్పటివరకు 1.7 మిలియన్ల వ్యూస్ వచ్చాయి. టన్నులకొలది లైకులు పొందింది. దీన్ని చూసిన ప్రతీఒక్కరు నవ్వకుండా ఉండలేకపోతున్నారు.
