MDK: జిల్లా అదనపు ఎస్. పి అడ్మిన్ మహేందర్ మాట్లాడుతూ..అక్బర్ అలీ అనే వ్యక్తి పట్టణంలోని కూరగాయల మార్కెట్‌లో ఫోన్ పోగొట్టుకొని పోలీస్ స్టేషన్‌లో దరఖాస్తు ఇవ్వగా ఫోన్ నెంబర్‌ను మరియు ఐఎంఈఐ నంబర్‌ను సీఈఐ ఆర్ పోర్టల్ అప్ చేశారు. శనివారం ఫోను దొరికిన అతని వద్ద నుండి రికవరీ చేసి సంబంధిత బాధితునికి అప్పగించారు.
NLG: రీజినల్ రింగ్ రోడ్ ఉత్తరభాగంలో 4 లేన్ల ఎక్స్‌ప్రెస్ రహాదారి నిర్మాణానికి కేంద్ర ప్రభుత్వం టెండర్లు పిలువడం TG రాష్ట్ర చరిత్రలో సువర్ణక్షరాలతో లిఖించే రోజని మంత్రి కోమటిరెడ్డి వెంకట్ రెడ్డి ఆదివారం అన్నారు. కాంగ్రెస్ ప్రభుత్వం ఏడాదిలోనే సాధించిన విజయమని తెలిపారు. CM చొరవ, తన కృషికి దక్కిన ఫలితం RRR టెండర్లని అన్నారు.
NZB: ప్రజా కవి వరంగల్ శ్రీనివాస్ రాసిన ‘నూరేండ్ల నా ఊరు’ గేయ కావ్యం రికార్డింగ్ కోసం ఈ నెల 30న నిజామాబాద్‌లో ఉమ్మడి జిల్లా వ్యాప్తంగా కళాకారుల ఎంపిక పోటీలు ఉంటాయని గాయకురాలు రేలారేలా గంగ తెలిపారు. ఆయన రాసిన గేయ కావ్యం 243 చరణాలను, 243 మంది కళాకారులతో పాట రికార్డ్ చేయనున్నట్లు చెప్పారు. రాష్ట్రంలోని ప్రతి జిల్లాలో కళాకారుల ఎంపిక జరుగుతుందన్నారు.
కామారెడ్డి జనరల్ స్టోర్స్ అసోసియేషన్ &బుక్ సెల్లర్స్ నూతన కార్యవర్గం ఆదివారం ఏనుకోవడం జరిగింది. అధ్యక్షులు -కొమ్మ శ్రీనివాస్ -గణేష్ జనరల్ స్టోర్ &బుక్ సెల్లర్స్ సెక్రటరీ గంప సుధాకర్ తిరుమల జనరల్ స్టోర్స్ &బుక్ సెల్లర్స్ క్యాషియర్‌గా గంప ప్రసాద్ కృష్ణ ప్రసాద్ బుక్ సెల్లర్స్ ఏకగ్రీవంగా ఎన్నుకున్నారు.
WGL: నర్సంపేట మండలం జంగాలపల్లి తండా పంటపొలాల్లో నుంచి ఖానాపురం మండలం మీదుగా ఆదివారం మరోసారి పెద్ద పులి సంచారం. పంట పొలాల్లో పులి అడుగుల గుర్తింపు భయాందోళనలో పలు గ్రామాల రైతులు, గ్రామస్తులు పులి కోసం వెతుకులాట ప్రారంభించిన ఫారెస్టు, పోలీస్ అధికారులు. నర్సంపేట ఏసీపీ కిరణ్ కుమార్ మాట్లాడుతూ.. పులుల భయం నుంచి ప్రజలను రక్షించే విధంగా చర్యలు చేపడతామన్నారు.
GDWL: జిల్లా కేంద్రంలోని జమ్ములమ్మ దేవాలయంలో మాజీ మంత్రివర్యులు శ్రీనివాస్ గౌడ్ కుటుంబ సభ్యుల సమేతంగా జమ్ములమ్మ అమ్మవారిని ఆదివారం దర్శించుకున్నారు. అనంతరం దేవాలయంలో ప్రత్యేక పూజలు చేపట్టారు. ముందుగా వారికి ఆలయ సిబ్బంది ఘనంగా స్వాగతం పలికారు. ఈ కార్యక్రమంలో ఆలయ అర్చకులు, సిబ్బంది తదితరులు పాల్గొన్నారు.
BDK: భద్రాచలం శ్రీ సీతారామచంద్ర స్వామి వారి దేవస్థానంలో ఆదివారం సెలవు దినం కావడంతో భక్తుల రద్దీ పెరిగింది. ఆంధ్ర, తెలంగాణ నుంచే కాకుండా ఇతర రాష్ట్రాల నుంచి భక్తులు ఆలయానికి చేరుకున్నారు. ముందుగా పవిత్ర గోదావరి నదిలో స్నానాలను ఆచరించి మొక్కులు చెల్లించుకున్నారు. అనంతరం స్వామివారిని దర్శించుకొని తీర్థ ప్రసాదాలను స్వీకరించారు.
NRML: మంచి వైద్య సేవలు చేయడమే ప్రభుత్వ లక్ష్యమని ఖానాపూర్ మండలంలోని సత్తెనపల్లి గ్రామ కాంగ్రెస్ అధ్యక్షులు గుమ్మల రమేష్ అన్నారు. ఖానాపూర్ ఎమ్మెల్యే బొజ్జు ఆదేశాల మేరకు ఆదివారం ఖానాపూర్ మండలంలోని సత్తెనపల్లి రాంరెడ్డిపల్లి గ్రామాలలో నిరుపేదలకు ప్రభుత్వం మంజూరు చేసిన సీఎం సహాయ నిధి చెక్కులను పంపిణీ చేశారు. ప్రభుత్వ పథకాలను సద్వినియోగం చేసుకోవాలన్నారు.
నిజామాబాద్‌కు ఆదివారం విచ్చేస్తున్న ఎమ్మెల్సీ కవిత రాక కోసం ఇందల్వాయి వద్ద ఎదురుచూసిన బిఆర్ఎస్ పార్టీ శ్రేణులు ఆమె రాకతో గజమాలతో ఘన స్వాగతం పలికారు. కవిత నిజామాబాద్‌కు రావటం బీఆర్ఎస్ శ్రేణుల్లో ఉత్సహం నిండుతుందని తెలిపారు. ఈ కార్యక్రమంలో బీఆర్ఎస్ నాయకులు, కార్యకర్తలు తదితరులు పాల్గొన్నారు.
NZB: అడ్లూర్ ఎల్లారెడ్డి చెరువులో ఎస్సై, కానిస్టేబుల్, మరో యువకుడు మునిగి చనిపోయిన సంఘటనకు సంబంధించి పోలీస్ అధికారులు విచారణ మమ్మరం చేశారు. నీటిలో పడగానే లోపలికి వెళ్లిపోయి ఉంటారని భావిస్తున్నారు. ముగ్గురు మృతదేహాలు దొరికిన ప్రదేశం దాదాపు పది మీటర్ల లోతు ఉంటుందని అంటున్నారు. పోస్టుమార్టం రిపోర్టుల్లో నీళ్లు మింగే చనిపోయారని వెల్లడయింది.
కామారెడ్డి: బిచ్కుంద మండల కేంద్రంలోని ఎంపీడీవో కార్యాలయంలో సోమవారం నిర్వహించనున్న ప్రజావాణిలో బాన్సువాడ సబ్ కలెక్టర్ కిరణ్మయి పాల్గొంటారని కార్యాలయ సిబ్బంది తెలిపారు. జుక్కల్ నియోజకవర్గ ప్రజలు కామారెడ్డి జిల్లా కేంద్రానికి వెళ్లకుండా బిచ్కుందలో నిర్వహించే ప్రజావాణి కార్యక్రమంలో తమ సమస్యలు విన్నవించవచ్చన్నారు.
ఖమ్మం: కేంద్ర మాజీ మంత్రి, ప్రస్తుత రాజ్యసభ సభ్యురాలు రేణుక చౌదరి చొరవతో, వ్యవసాయశాఖ మంత్రి తుమ్మల నాగేశ్వరరావు కృషితో మంజూరైన సీఎం సహాయనిధి చెక్కులను మధిర పట్టణంలోని రేణుక చౌదరి క్యాంప్ కార్యాలయంలో జవ్వాజి ఆనందరావు చేతులమీదుగా మొత్తం రూ.98వేలు, రూ.60వేలు, రూ.38 వేల చెక్కులను అందజేశారు. డీసీసీ కార్యదర్శి కర్లపుడి అప్పారావు, వెంకటేశ్వర్లు పాల్గొన్నారు.
జనగామ: జిల్లాలో డ్రగ్స్ నిర్మూలనపై పోలీస్ శాఖ ఆధ్వర్యంలో ఆదివారం అవగాహన కార్యక్రమం నిర్వహించారు. డ్రగ్స్ నిర్మూలనకై పాటుపడతామని యువతతో ప్రతిజ్ఞ చేయించారు. పట్టణంలోని బతకమ్మ కుంటలో డ్రగ్స్ నిర్మూలనకై 2కే రన్, సైకిల్ రైడ్‌ను వెస్ట్ జోన్ డీసీపీ రాజమహేంద్ర నాయక్ జెండా ఊపి ప్రారంభించారు. ఈ అవగాహన కార్యక్రమంలో పాల్గొన్న యువతకి మెడల్స్‌తో పాటు సర్టిఫికెట్ ఇచ్చారు.
SRCL: తెలంగాణ గెజిటెడ్ అధికారుల సంఘం రాజన్న సిరిసిల్ల జిల్లా సభ్యులు కేంద్ర మంత్రి, కరీంనగర్ పార్లమెంట్ సభ్యులు బండి సంజయ్‌ని మర్యాదపూర్వకంగా కలిసి సన్మానించారు. కేంద్రమంత్రి బండి సంజయ్ సభ్యులందరిని అభినందించి శుభాకాంక్షలు తెలియచేసారు. ఉద్యోగుల వెంట తను ఎప్పుడూ ఉంటానని తెలియచేసారు.
KMR: కామారెడ్డి మున్సిపల్ పరిధిలోని దేవునిపల్లిలో ఆదివారం మున్నూరు కాపు సంఘం నూతన కార్యవర్గాన్ని ప్రకటించినట్లు మున్నూరు కాపు సంఘం అధ్యక్షుడు కాసర్ల రవీందర్ పేర్కొన్నారు. మున్నూరు కాపు సంఘం యువ అధ్యక్షుడిగా ద్యావరి గణేష్, ఉపాధ్యక్షుడిగా నీలం శేఖర్, ప్రధాన కార్యదర్శిగా కోళ్ల శరత్, కోశాధికారిగా కాసర్ల భాను ఏకగ్రీవంగా ఎన్నుకున్నారు.
