సిరిసిల్ల: గంభీరావుపేట్ KG టూ PG క్యాంపస్లో ఈరోజు బతుకమ్మ ఉత్సవాలు అంగరంగ వైభవంగా జరిగాయి. ఈ ఉత్సవాల్లో పాఠశాల-కళాశాల విద్యార్థులు, ఉపాధ్యాయులు అందరూ కలిసి ఆనందంగా ఉత్సవాల్లో పాల్గొన్నారు. ఈ సందర్భంగా క్యాంపస్ రంగుల మయం అయ్యింది. రంగు రంగుల పూలతో బతుకమ్మలను తయారుచేశారు. ఉపాధ్యాయులు మాట్లాడుతూ.. తెలంగాణ సాంస్కృతిక పండుగ అయిన బతుకమ్మను విద్యా సంస్థల్లో నిర్వహించుకోవడం ఆనందంగా ఉందన్నారు.
