కేరళలోని వయనాడ్ జిల్లాలో కొండచరియలు విరిగిపడిన విపత్తును బీజేపీ రాజకీయం చేస్తోందని కాంగ్రెస్ అభ్యర్థి ప్రియాంక గాంధీ వాద్రా అన్నారు. ఆ సమయంలో ఆపదలో ఉన్న వారికి సహాయం చేయడంలో కేంద్రం పూర్తి విఫలమైందని విమర్శించారు. పార్లమెంట్లో ఈ సమస్యపై పోరాడుతానని.. తనను గెలిపించాలని కోరారు. జూలైలో వయనాడ్లో కొండచరియలు విరిగిపడిన ఘటన తెలిసిన విషయమే. ఈ ఘటనలో సుమారు 200 మందికిపైగా మృతి చెందారు.
