ASR: పిఎం జన్ మన్ పథకంలో మంజూరైన ఇళ్లను త్వరగా పూర్తి చేయాలని హౌసింగ్ డీఈ రాజుబాబు లబ్ధిదారులకు సూచించారు. హుకుంపేట మండలం తీగల వలస పంచాయితీలో పలు గ్రామాలలో నిర్మాణంలో ఉన్న ఇళ్లను పరిశీలించారు. అనంతరం గుర్రాలతోట గ్రామంలో పిఎం జన్ మన్ ఇంటి నిర్మాణ పనులకు శంకుస్ధాపన చేశారు. ఇళ్లుకు మూడు దఫాలుగా బిల్లులు మంజూరవుతాయని డీఈ తెలిపారు. మండల ఏఈ ఈశ్వరీ ఉన్నారు.
WNP: పోనగల్ మండల సీపీఎం నూతన కమిటీని వనపర్తి జిల్లా సీపీఎం పార్టీ కార్యదర్శి ఎండి జబ్బర్ ఆధ్వర్యంలో ఏకగ్రీవంగా సోమవారం ఎన్నుకున్నారు. మండల కార్యదర్శిగా బాల్య నాయక్‌ను ఏకగ్రీవంగా ఎన్నుకున్నారు. ముందుగా మండల కేంద్రంలో ర్యాలీ నిర్వహించి అంబేద్కర్ చౌరస్తా దగ్గర సీపీఎం పార్టీ జెండాను ఎగరవేశారు.
E.G: ఈ నెల 14వ తేది నుంచి రాజమండ్రిలోని బీసీ స్టడీ సర్కిల్లో మెగా డీఎస్సీ ఉచిత శిక్షణ ప్రారంభమవుతుందని సంచాలకురాలు బి.శశాంక ఒక ప్రకటనలో తెలిపారు. విద్యార్థులకు శిక్షణతోపాటు పాఠ్యాంశాల వారీగా ప్రాక్టీసు, గ్రాండ్ పరీక్షలు నిర్వహిస్తామని వెల్లడించారు. కాగా అర్హత గల ఎస్సీ, ఎస్టీ, బీసీ, మైనార్టీకి చెందిన అభ్యర్థులు దరఖాస్తు చేసుకోవాలని సూచించారు.
ATP: డీఎస్సీ, ఉచిత శిక్షణకు దరఖాస్తు చేసుకున్న ఎస్సీ, ఎస్టీ అభ్యర్థులకు ఈనెల 10న ఎంపిక కోసం రాత పరీక్ష ఉంటుందని సాంఘిక సంక్షేమ సాధికారత అధికారి ఖుష్బు కొఠారి తెలిపారు. సాంఘిక సంక్షేమ, గిరిజన సంక్షేమశాఖల ఆధ్వర్యంలో ఎంపికైన వారికి ఉచిత వసతి, భోజన సదుపాయం కల్పించి శిక్షణ ఇస్తారన్నారు. ఈ అవకాశాన్ని సద్వినియోగం చేసుకోవాలన్నారు.
KMR: టోల్ ఫ్రీ నెంబర్15100 గోడప్రతులను జిల్లా న్యాయ సేవ అధికార సంస్థ కార్యదర్శి నాగమణి ఆవిష్కరించారు. కామారెడ్డి జిల్లా న్యాయ సేవాధికార సమస్త కార్యాలయంలో సోమవారం ఈ కార్యక్రమం నిర్వహించారు. ఈ సందర్భంగా ఆమె మాట్లాడుతూ.. ప్రతి పోలీస్ స్టేషన్, సర్కిల్, డీఎస్పీ కార్యాలయంలో టోల్ ఫ్రీ నెంబర్ గోడ ప్రతులను అంటించి విస్తృత ప్రచారం చేపట్టాలని తెలిపారు.
దీపావళి పండగ కానుకగా ప్రేక్షకుల ముందుకు వచ్చిన ‘క’ మూవీ బాక్సాఫీస్ వద్ద కలెక్షన్ల వర్షం కురిపిస్తోంది. ఇప్పటి వరకు రూ.26 కోట్లకు పైగా గ్రాస్ వసూళ్లు చేసినట్లు చిత్ర బృదం తెలిపింది. అయితే హీరో కిరణ్ అబ్బవరం అంధ విద్యార్థుల కోసం నిన్న హైదరాబాద్‌లోని సంధ్య థియేటర్‌లో ఉచితంగా ‘క’ షో వేయించాడు. సినిమా విడుదలయ్యాక కూడా మొదట కిరన్ అంధ విద్యార్థులతోనే సెలబ్రేట్ చేసుకున...
KNR: నగునూర్ గ్రామంలోని సాంఘిక సంక్షేమ గురుకుల కళాశాలలో శకుంతల దేవి 95వ జయంతి వేడుకలను గణిత శాస్త్ర విభాగం వారు సోమవారం ఘనంగా నిర్వహించారు. ఈ సందర్భంగా ప్రిన్సిపల్ మాలతి ఆధ్వర్యంలో విద్యార్థినులకు వ్యాసరచన, ఉపన్యాస పోటీలను నిర్వహించి విద్యార్థినులకు బహుమతులను అందజేశారు. ఈ కార్యక్రమంలో అధ్యాపకులు ఎస్. పద్మజ, డా. ఏం. రాధిక, మమత పాల్గొన్నారు.
KNR: జగిత్యాల జిల్లాలో సుప్రసిద్ధ ధర్మపురి లక్ష్మీ నరసింహస్వామి ఆలయానికి సోమవారం రూ. 2,49,322 ఆదాయం సమకూరినట్లు ఆలయాధికారులు తెలిపారు. అందులో వివిధ కార్యక్రమాలు టికెట్లు అమ్మకం ద్వారా రూ. 1,39,134 ప్రసాదాల అమ్మకం ద్వారా రూ. 76,550, అన్నదానం రూ. 33,638 వచ్చినట్లు ఆలయ కార్య నిర్వాహణాధికారి సంకటాల శ్రీనివాస్ ఒక ప్రకటన ద్వారా ప్రజలకు తెలియజేశారు.
NRPT: భారత రాజ్యాంగ నిర్మాత డాక్టర్ బి.ఆర్. అంబేద్కర్ విగ్రహ ఏర్పాటుకు అడవిసత్యారం గ్రామంలో యువజన సంఘం ఆధ్వర్యంలో సోమవారం శంకుస్థాపన నిర్వహించారు. ఈ సందర్భంగా కార్యక్రమానికి విచ్చేసిన పలువురు ప్రముఖులు మాట్లాడుతూ.. దేశానికి గొప్ప రాజ్యాంగాన్ని అందించిన మహానుభావుని విగ్రహాన్ని గ్రామంలో ఏర్పాటు చేసుకోవడం హర్షించదగ్గ విషయమని అన్నారు.
సత్యసాయి: ఆధ్యాత్మిక కేంద్రమైన పుట్టపర్తిలోని శ్రీ సత్యసాయి బాబా మహాసమాధిని మంత్రులు, ఎమ్మెల్యేలు, ఎంపీ దర్శించుకున్నారు. సోమవారం సాయంత్రం ప్రశాంతి నిలయంలోని సాయి కుల్వంత్ సభ మందిరంలో మంత్రులు అనగానే సత్యప్రసాద్, సవిత, ఎమ్మెల్యే పల్లె సింధూర, మాజీ మంత్రి పల్లె రఘునాథ్ రెడ్డి, జిల్లా టీడీపీ అధ్యక్షుడు అంజినప్ప తదితరులు సత్యసాయి బాబా మహాసమాధిని దర్శించుకున్నారు.
MBNR: జిల్లాలో సమగ్ర ఇంటింటి కుటుంబ సర్వే నిర్వహణకు అన్ని ఏర్పాట్లు పూర్తి చేసినట్లు కలెక్టర్ విజయేంద్రబోయి తెలిపారు. సోమవారం కలెక్టర్ మీడియాతో మాట్లాడుతూ.. ఈనెల 6 నుంచి ఇండ్ల జాబితా, యజమాని, చిరునామా వివరాలు సేకరించి ఇంటికి సర్వే స్టిక్కర్ అతికిస్తామన్నారు. సర్వే నిర్వహించేందుకు ఇంటికి వచ్చిన సిబ్బందికి ఆధార్, రేషన్, వివరాలు ఇవ్వాలని కలెక్టర్ సూచించారు.
సత్యసాయి: తలుపుల మండలం ఉడమలకుర్తి పంచాయతీ ఇందుకూరిపల్లి గ్రామంలో సోమవారం వేపచెట్టుకు పాలు కారుతున్నట్లు గ్రామస్థులు తెలిపారు. గ్రామంలో ఉదయం నుంచి వేపచెట్టుకు పసుపు, కుంకుమ రాసి జ్యోతి వెలిగించి పూజలు చేసి మొక్కులు తీర్చుకున్నారు. విషయం చుట్టుపక్కల గ్రామాల ప్రజలకు తెలియడంతో అధిక సంఖ్యలో వచ్చి వీక్షించారు.
ELR : భీమడోలులోని శ్రీవేంకటేశ్వర డిగ్రీ కళాశాలలో ఏపీ నైపుణ్యాభివృద్ధి సంస్థ, సీడాప్, జిల్లా ఉపాధి కార్యాలయం సంయుక్త ఆధ్వర్యాన ఈ నెల 6న ఉద్యోగ మేళా నిర్వహిస్తున్నట్లు జిల్లా నైపుణ్యాభివృద్ధి సంస్థ ఇంఛార్జి కిశోర్ తెలిపారు. పది, ఇంటర్, డిగ్రీ, పీజీ పూర్తి చేసిన నిరుద్యోగులు అర్హులని, వివరాలకు 8184887416 నంబర్‌ను సంప్రదించాలని పేర్కొన్నారు.
ELR: ఆర్టీసీలో అప్రెంటీస్ షిప్‌నకు దరఖాస్తులు ఆహ్వానిస్తున్నట్లు విజయవాడ జోనల్ సిబ్బంది శిక్షణ కళాశాల ప్రధానాచార్యురాలు నీలిమ తెలిపారు. ఏలూరు, ప. గో జిల్లాల్లో ఐటీఐ ఉత్తీర్ణులైన అభ్యర్థులు ఈ నెల 6 నుంచి 20 లోపు www.apprenticeshipindia.gov.in వెబ్‌సైట్‌లో దరఖాస్తు చేసుకోవాలన్నారు. ఐటీఐ మార్కులు, సీనియార్టీ ప్రకారం అభ్యర్థులను ఎంపిక చేస్తామన్నారు.
E.G: దేవరపల్లి మండలం యర్నగూడెం జాతీయ రహదారిపై సోమవారం రాత్రి జరిగిన రోడ్డు ప్రమాదంలో ఒక వ్యక్తి అక్కడికక్కడే మృతి చెందాడు. ద్విచక్ర వాహనంపై వెళుతున్న వ్యక్తిని వెనుక నుంచి గుర్తు తెలియని వాహనం ఢీకొట్టడంతో ఈ ప్రమాదం జరిగింది. సమాచారం తెలుసుకున్న పోలీసులు ఘటనా స్థలానికి చేరుకొని కేసు నమోదుచేసి దర్యాప్తు చేస్తున్నారు. మృతుడి వివరాలు తెలియాల్సి ఉంది.
