GNTR: చేబ్రోలు మండలం శేకూరు గ్రామంలో దీపావళి పండుగ రోజున జరిగిన అగ్ని ప్రమాదంలో చిముటూరి జ్వాలా నరసింహారావు నివాసాన్ని కోల్పోయాడు. ఈ నేపథ్యంలో సోమవారం జ్వాలా నరసింహారావు కుటుంబ సభ్యులను ఎమ్మెల్యే ధూళిపాళ్ళ నరేంద్రకుమార్ పరామర్శించారు. బాధిత కుటుంబానికి అండగా ఉంటానని, ప్రభుత్వం తరఫున సహాయ సహకారాలు అందిస్తానని హామీ ఇచ్చారు.
KDP: యోగివేమన విశ్వవిద్యాలయ పరిధిలోని బీఈడీ కళాశాలల 2,4 సెమిస్టర్ల పరీక్షలు సోమవారం ప్రారంభమయ్యాయి. వైవీయూ వీసీ కృష్ణారెడ్డి, పరీక్షల నియంత్రణ అధికారి ఆచార్య కేఎస్వీ కృష్ణారావులు కడపలోని ఎస్వీ బీఈడీ కళాశాల, శ్రీహరి బీఈడీ కళాశాల కేంద్రాలను తనిఖీ చేశారు. ఈ సందర్భంగా విద్యార్థుల హాల్ టికెట్లను పరిశీలించారు.
SKLM: హోంగార్డుగా కాంతారావు విధులు నిర్వహిస్తూ ప్రమాదవశాత్తు ఆగస్టు నెలలో మరణించెను. ఈ మేరకు ఆయన కుమారుడు సత్యనారాయణకు సోమవారం కారుణ్య నియామకం ప్రకారం హోంగార్డుగా నియమిస్తూ నియమక పత్రాన్ని ఎస్పీ అందజేశారు.సెంట్రల్ వెల్ఫేర్ ఫండ్ నుంచి రూ 40 వేలు నగదు చెక్కును కాంతారావు సతీమణి లక్ష్మీనకు ఎస్పీ చేతుల మీదుగా అందజేశారు.
కృష్ణా: బాపులపాడు సమీపంలోని అప్పనవీడు జడ్పీ హైస్కూల్ విద్యార్థులు జాతీయస్థాయి చిత్రకళ పోటీలలో ప్రతిభ కనపరచినట్లు హెచ్ఎం తోట పుష్పవతి తెలిపారు. పాఠశాలలో హెచ్ఎం సోమవారం మాట్లాడుతూ.. నిన్న ఒంగోలులో నిర్వహించిన జాతీయస్థాయి చిత్రకళ పోటీలలో తమ పాఠశాల విద్యార్థులు 9 మంది బంగారు పతకాలు, 75 మంది ప్రశంసా పత్రాలు పొందినట్లు తెలిపారు. విద్యార్థులను అందరూ ప్రశంసించారు.
కోనసీమ: రాజోలు APSRTC డిపోను రాజోలు నియోజకవర్గ శాసనసభ్యులు దేవ వరప్రసాద్ సోమవారం సందర్శించారు. డిపో మేనేజర్‌తో మాట్లాడి ప్రయాణికుల కోరిక మేరకు కొన్ని సర్వీసులను పెంచామని తెలియజేశారు. అలాగే బస్ డిపో అభివృద్ధికి సహకరిస్తానని హామీ ఇచ్చారు. ఈ కార్యక్రమంలో ఎమ్మెల్యే వెంట స్థానిక నాయకులు పాల్గొన్నారు.
WGL: పేదల రాజ్యం ఆశయాలు సాధించాలని సీపీఐ ఎంఎల్ మాస్ లైన్ కోసం అసువులు బాసిన అమరవీరుల డివిజన్ కార్యదర్శి జగ్గన్న అన్నారు. ఈ సందర్భంగా బయ్యారంలోని అమరవీరుల స్థూపాల ముందు ఎర్రజెండాలు ఎగరవేశారు. ఆయన మాట్లాడుతూ.. రాష్ట్రంలో పేదల ప్రభుత్వం నడవడం లేదన్నారు. రాష్ట్ర ప్రభుత్వం పేద ప్రజలకు ఇచ్చిన హామీలు అమలు చేయాలని డిమాండ్ చేశారు.
KMM: ప్రజా సమస్యలు పరిష్కరించాలని కోరుతూ సోమవారం మంత్రి పొంగులేటి శ్రీనివాస్ రెడ్డిని CPI ఎంఎల్ న్యూ డెమోక్రసీ రాష్ట్ర కార్యదర్శి వర్గ సభ్యులు ఆవునూరి మధు వినతి పత్రం అందజేశారు. సీతారామ ప్రాజెక్టు నీళ్లను రోళ్లపాడు రిజర్వాయర్‌లోకి మళ్లించి భద్రాద్రి కొత్తగూడెం, మహబూబాబాద్ జిల్లాల ఏజెన్సీ ప్రాంతాలకు సాగునీరు అందించాలని మంత్రిని కోరారు.
VZM: జీడిపంటకు ప్రభుత్వం బీమా సౌకర్యం కల్పించిందని ఉద్యానశాఖాధికారి జ్యోత్స్న వెల్లడించారు. నెల్లిమర్ల మండలం టెక్కలిలో సోమవారం గ్రామ సభ నిర్వహించారు. ఆమె మాట్లాడుతూ జీడి సాగు రైతులు ఎకరానికి రూ.1500 చొప్పున ప్రీమియం చెల్లించి బీమా చేయించుకోవాలని సూచించారు. రైతులు ఒన్ బి, ఆధార్, బ్యాంకు అకౌంట్ తో 15 తేదిలోగా దరఖాస్తు చేసుకోవాలని సూచించారు.
SKLM : హిరమండలం మండల పరిధికి చెందిన సొర్లంగి గ్రామంలో స్వయం శక్తి మహిళా సంఘాల సభ్యులతో సోమవారం సమావేశం నిర్వహించినట్లు స్థానిక వెలుగు ఏపిఎం పైడి కూర్మారావు తెలిపారు. మహిళల్లో వ్యక్తిగత ఆదాయ అభివృద్ధికి బ్యాంకులలో ఉమెన్ లెండ్ ఎంటర్ప్రైజెస్ రుణాలు మంజూరు అవుతాయని అవగాహన కల్పించారు. మహిళా సంఘాలు తయారుచేసిన ఉత్పత్తులకు ఆన్లైన్ మార్కెటింగ్ సదుపాయం ఉందన్నారు.
KDP: ముద్దనూరు మండల పరిధిలోని నల్లబల్లెలో నూతనంగా ఏర్పాటు చేసిన శ్రీ గంగాధరస్వామి దేవాలయం ప్రతిష్ఠ కార్యక్రమంలో.. సోమవారం మాజీ ఎమ్మెల్సీ దేవగుడి నారాయణ రెడ్డి పాల్గొని ఆలయంలో ప్రత్యేక పూజలు నిర్వహించారు. ఆలయ కమిటీ సభ్యులు మాజీ ఎమ్మెల్సీకి ఘన స్వాగతం పలికారు. అనంతరం ఆయనను శాలువాతో సన్మానించారు.
నల్గొండ: అక్రమ అరెస్టులను తీవ్రంగా ఖండిస్తున్నట్లు మండల సర్పంచుల ఫోరం మాజీ అధ్యక్షుడు పోగుల ఆంజనేయులు అన్నారు. సోమవారం తుర్కపల్లి పోలీస్ స్టేషన్లో ఆయన మాట్లాడుతూ.. సర్పంచ్‌ల పెండింగ్ బిల్లులను మంజూరు చేయాలని హైదరాబాదులో నిర్వహిస్తున్న ధర్నాకు వెళ్లకుండా ముందస్తు అరెస్టు చేసి పోలీస్ స్టేషన్‌కు తరలించినట్లు తెలిపారు.
NLG: దేవరకొండ ఎమ్మెల్యే నివాసం (మార్కెట్ యార్డు) వద్ద మంగళవారం ఉదయం 9:30 గంటలకు నియోజకవర్గానికి చెందిన లబ్ధిదారులకు సీఎం సహాయనిధి (CMRF)చెక్కులను ఎమ్మెల్యే నేనావత్ బాలునాయక్ పంపిణీ చేయనున్నట్లు కాంగ్రెస్ నాయకులు తెలిపారు. కాంగ్రెస్ పార్టీ నాయకులు మరియు మిత్రపక్షాల నాయకులు,కార్యకర్తలు అధిక సంఖ్యలో పాల్గొని ఈ కార్యక్రమాన్ని విజయవంతం చేయాలని కోరారు.
మహబూబాబాద్ కలెక్టర్ కార్యాలయంలో అదనపు కలెక్టర్ లెనిన్ వత్సల్ టోప్పో, సంబంధిత అధికారులతో కలిసి జిల్లా కలెక్టర్ అద్వైత్ కుమార్ సింగ్ జిల్లాలోని రైస్ మిల్లర్లతో ధాన్యం కొనుగొళ్లపై సోమవారం సమీక్షా సమావేశం నిర్వహించారు. ఈ సందర్భంగా జిల్లా కలెక్టర్ మాట్లాడుతూ.. ప్రభుత్వ సూచనల మేరకు జిల్లాలో రైస్ మిల్లర్లు, మిల్లులను నిర్వహించాలన్నారు.
SKLM: పొందూరులో మంగళవారం చేనేత పరికరాల పంపిణీ కార్యక్రమం నిర్వహిస్తున్నట్లు పొందూరు మండల టీడీపీ అధ్యక్షులు చిగిలిపల్లి రామ్మోహన్ రావు సోమవారం తెలిపారు. రేపు ఉదయం 11 గంటలకు ఎర్రా వారి ఫంక్షన్ హాల్ లో నిర్వహించబోయే ఈ కార్యక్రమానికి ఆమదాలవలస నియోజకవర్గ ఎమ్మెల్యే కూన రవికుమార్ ముఖ్యఅతిథిగా హాజరవుతారని తెలిపారు. పార్టీ శ్రేణులు పాల్గొని జయప్రదం చేయాలని కోరారు.
KRNL: రాయలసీమ యూనివర్సిటీలో విద్యార్థులకు డిపార్ట్మెంట్లలో సౌకర్యాలు కల్పించాలని ఎస్ఎఫ్ఎ యూనివర్సిటీ కమిటీ కన్వీనర్ రామకృష్ణ డిమాండ్ చేశారు. సోమవారం ఎస్ఎఫ్ఎ యూనివర్సిటీ కమిటీ ఆధ్వర్యంలో యూనివర్సిటీ రిజిస్ట్రార్‌కు వినతిపత్రం అందజేశారు. కన్వీనర్ రామకృష్ణ మాట్లాడుతూ.. కోర్సు పూర్తి కావస్తున్నా ఐడి కార్డులు ఇవ్వకపోవడం బాధాకరమని అన్నారు.
