Dispute : ఛత్తీస్‌గఢ్‌(Chhattisgarh)లో ఓ వింత ఘటన వెలుగు చూసింది. శారీరక సంబంధం కారణంగా భార్యాభర్తల మధ్య గొడవలు జరగడంతో ఓ షాకింగ్ ఘటన వెలుగులోకి వచ్చింది. ఈ ఘటన ఛత్తీస్‌గఢ్‌లోని జష్‌పూర్‌(Jashpur)లో చోటుచేసుకుంది. భార్యాభర్తల మధ్య గొడవలు జరగడంతో భార్య బావిలో దూకి ఆత్మహత్యకు ప్రయత్నించింది. ఆ తర్వాత భర్త కూడా బావి(Well)లో దూకి భార్యను కాపాడాడు. ఆపై బావి దగ్గరే ఆమెను హత్య చేశాడు. ఈ ఘటనతో ఆ ప్రాంతంలో సంచలనం నెలకొంది. సమాచారం అందుకున్న పోలీసులు సంఘటనా స్థలానికి చేరుకుని మృతదేహాన్ని పోస్టు మార్టం నిమిత్తం ఆస్పత్రికి తరలించారు. నిందితుడైన భర్తను పోలీసులు(Police) అదుపులోకి తీసుకున్నారు.
చదవండి: Hyderabad ఇఫ్తార్ పార్టీకి వెళ్లి వచ్చిన కుటుంబసభ్యులకు భారీ షాక్
బాఘి పోలీస్ స్టేషన్(Baghi police station) పరిధిలోని రౌని గ్రామంలో శంకర్ రామ్ తన భార్య ఆశాబాయితో కలిసి నివసిస్తున్నాడు. సోమవారం రాత్రి భార్యాభర్తలిద్దరూ మద్యం సేవించి నిద్రకు ఉపక్రమించారు. ఈ సమయంలో శంకర్ ఆశతో శారీరక సంబంధం పెట్టుకోవాలని డిమాండ్ చేశాడు. భార్య నిరాకరించడంతో ఇద్దరి మధ్య వాగ్వాదం జరిగింది. వాగ్వాదం తీవ్ర రూపం దాల్చడంతో ఆశా(Asha) ఆత్మహత్య చేసుకోవాలనే ఉద్దేశంతో బావిలో దూకింది. భార్యను కాపాడేందుకు శంకర్ కూడా నీటిలోకి దూకాడు. కొద్దిసేపటి తర్వాత భార్యను సురక్షితంగా బయటకు తీసుకొచ్చాడు.
చదవండి: Fire : శ్రీకాకుళం జిల్లా కాశీబుగ్గలో భారీ అగ్నిప్రమాదం..90 బైక్ లు దగ్ధం
బావిలోంచి భార్యను బయటకు తీసిన తర్వాత ఇద్దరి మధ్య మళ్లీ గొడవ మొదలైంది. ఈ వాదనతో శంకర్(Shankar) ఆశపై దాడి చేసి హత్య చేశాడు. హత్య అనంతరం శంకర్ రాత్రంతా భార్య మృతదేహం దగ్గరే కూర్చున్నాడు. ఉదయం సమాచారం అందుకున్న పోలీసులు సంఘటనా స్థలానికి చేరుకుని మృతదేహాన్ని స్వాధీనం చేసుకున్నారు. నిందితుడు భర్తను ఘటనా స్థలం నుంచి అదుపులోకి తీసుకున్నారు. బాఘీ పోలీసులు మరింత లోతుగా దర్యాప్తు చేస్తున్నారు.
