China Blast: చైనాలోని ఓ రెస్టారెంట్‌లో పేలుడు సంభవించి 31 మంది మరణించారు. రెస్టారెంట్‌లో అర్థరాత్రి పేలుడు కారణంగా 31 మంది మరణించిన సంఘటన యించువాన్ నగరంలో చోటుచేసుకుంది. పేలుడుకు గ్యాస్ లీకేజీ కారణమని చెబుతున్నారు. ఈ ఘటనపై చైనా మీడియా అందించిన సమాచారం ప్రకారం రెస్టారెంట్‌లో ఒక్కసారిగా గ్యాస్ లీక్ కావడంతో భారీ పేలుడు సంభవించిందని తెలిపింది. ఈ ఘటనలో 7 మందికి గాయాలైనట్లు సమాచారం. క్షతగాత్రులను చికిత్స నిమిత్తం ఆస్పత్రిలో చేర్పించారు. పేలుడు సమాచారం అందిన వెంటనే అగ్నిమాపక యంత్రాలు సంఘటనా స్థలానికి చేరుకుని మంటలను ఆర్పడం ప్రారంభించినట్లు సమాచారం. ఈ సంఘటనకు సంబంధించిన అనేక చిత్రాలు సోషల్ మీడియాలో వైరల్ అయ్యాయి. ఇందులో మంటలను ఆర్పేందుకు వచ్చిన అనేక అగ్నిమాపక యంత్రాలను చూడవచ్చు. రెస్టారెంట్‌లో పేలుడు సంభవించిన సమయంలో, దాని చుట్టూ చాలా మంది ఉన్నారు. యిన్‌చువాన్‌లోని నింగ్‌జియాలోని బార్బెక్యూ రెస్టారెంట్‌లో పేలుడు సంభవించింది.
చదవండి:Balkampet Yellamma: ఆలయం వద్ద కత్తిపోట్ల కలకలం.. పోలీసుల నిర్లక్ష్యం!
BREAKING: 31 people are dead and 7 injured after an explosion at a restaurant in Ningxia, China. pic.twitter.com/laDUt5h07Y
— 11☆11 (@FREEDOMWWGIWGA) June 22, 2023
బుధవారం డ్రాగన్ బోట్ ఫెస్టివల్ సెలవుదినానికి ముందు ఈ సంఘటన జరిగింది. ప్రజలు పండుగ కోసం సిద్ధమవుతున్నారు, అప్పుడే రాత్రి 8.40 గంటలకు రెస్టారెంట్‌లో పేలుడు సంభవించింది. చాలా మంది అందులో చిక్కుకున్నారు. ఈ ఘటన జరిగిన ప్రాంతంలో ముస్లిం జనాభా ఎక్కువ. ఈ ఘటనపై విచారం వ్యక్తం చేసిన చైనా అధ్యక్షుడు జీ జిన్‌పింగ్ కూడా గాయపడిన వారికి ప్రథమ చికిత్స అందించాలని కోరారు. దీనితో పాటు ప్రధాన పరిశ్రమలు, రంగాల్లో భద్రతను పెంచాల్సిన అవసరం ఉందన్నారు. గతంలో చైనా కంపెనీకి చెందిన ఓ ప్రైవేట్ ప్లాంట్‌లో అగ్నిప్రమాదం జరిగిందన్న వార్తలు కూడా తెరపైకి వచ్చాయి. ఈ ప్రమాదంలో 38 మంది మృతి చెందగా, ఇద్దరు గాయపడ్డారు. దీంతో పాటు ఇద్దరు మిస్సింగ్‌గా ఉన్నట్లు సమాచారం. ఏదో కుట్రతో ప్లాంట్‌కు నిప్పంటించారని పోలీసులు అనుమానిస్తున్నారు, ఆ తర్వాత పోలీసులు 7 మందిని అదుపులోకి తీసుకున్నారు.
చదవండి:Minor girl:ను ఎత్తుకెళ్లి అత్యాచారం చేసిన BRS నేత
