ఓ 13 ఏళ్ల బాలిక(minor girl)పై ఓ యువకుడు కన్నేశాడు. అంతటితో ఆగలేదు. ఆమె ఓ రోజు రోడ్డుపై వెళుతున్న క్రమంలో ఓ ఇంట్లోకి లాక్కెళ్లి అత్యాచారం చేశాడు. అయితే ఎవరికైనా చెబితే చంపేస్తానని బెదిరించాడు కూడా. ఈ ఘటన నిజామాబాద్ జిల్లా బోధన్(bodhan) మండలంలో జరుగగా ఆలస్యంగా వెలుగులోకి వచ్చింది. నిందితుడు బీఆర్ఎస్ పార్టీ(BRS party) నేత రవిగా గుర్తించారు. ఇతను భోధన్ మున్సిపాలిటీలోని బీఆర్ఎస్ ఫ్లోర్ లీడర్ రాధాకృష్ణ సోదరుడు. అయితే బాధిత బాలిక తల్లి ఇచ్చిన సమాచారంతో మైనార్టీ నాయకులు ఈ ఘటన గురించి పోలీసులకు తెలిపారు. నిందితునితోపాటు ఈ ఘటన గురించి ఎవరికీ చెప్పొద్దని బెదిరించారని స్థానికులు చెబుతున్నారు.
ఈ క్రమంలో నిందితునితోపాటు పోలీసులు రాధాకృష్ణను కూడా అదుపులోకి తీసుకున్నారు. రవిపై అత్యాచారం, పోక్సో చట్టాల కింద పోలీసులు(police) కేసు నమోదు చేశారు. మరోవైపు ఈ ఘటన గురించి తెలిసిన స్థానిక ఎమ్మెల్యే షకీల్ ఆ బాలిక కుటుంబ సభ్యులను పరామర్శించారు. నిందితుడు బాలిక కాళ్లు, చేతులు కట్టేసి అఘాయిత్యానికి పాల్పడ్డాడని ఎమ్మెల్యే ఆగ్రహం వ్యక్తం చేశారు. ఈ క్రమంలో రవితోపాటు అతని సోదరుడు రాధాకృష్ణను కూడా పార్టీ నుంచి సస్పెండ్ చేసినట్లు పేర్కొన్నారు.
అయితే ఈ ఘటన ఈనెల 19న సాయంత్రం జరుగగా..బుధవారం బాలికకు కడుపునొప్పి రావడంతో తల్లి(mother)కి విషయం చెప్పింది. ఆమె కాస్తా పలువురికి విషయం చెప్పడంతో ఆ వర్గానికి చెందిన ప్రజలు ఆగ్రహం వ్యక్తం చేశారు. నిందితుడిని శిక్షించాలని పోలీస్ స్టేషన్ కు వచ్చి డిమాండ్ చేశారు. దీంతో పోలీసులు అప్రమత్తమై వారిని అదుపులోకి తీసుకున్నారు. ఈ క్రమంలో ఇలాంటి లైంగిక దాడులకు పాల్పడుతున్న నేతలపై కఠిన చర్యలు తీసుకోవాలని స్థానికులు కోరుతున్నారు.
