TG: రామోజీరావు జీవితం భవిష్యత్ తరాలకు ఆదర్శనీయమైందని మాజీ ఉపరాష్ట్రపతి వెంకయ్యనాయుడు అన్నారు. విలువలతో కూడిన జర్నలిజానికి నిదర్శనంగా నిలిచిన బహుముఖ ప్రజ‌్ఞాశాలి రామోజీరావు జయంతి సందర్భంగా వారి స్మృతికి నివాళులు అర్పిస్తున్నట్లు తెలిపారు. అడుగు పెట్టిన ప్రతి రంగంలోనూ విప్లవాత్మక మార్పులు తీసుకొచ్చారని కొనియాడారు. మీడియా మొదలుకుని అనేక రంగాల్లో వారు వేసిన బాటలు నేటికీ ఆదర్శంగా, స్ఫూర్తిదాయకంగా నిలుస్తున్నాయన్నారు.
