అమెరికాలోని సౌత్ కరోలినాలోని ఎమసీలో ఓ పరిశోధన కేంద్రం నుంచి కోతులు తప్పించుకున్నాయి. వైద్య పరీక్షలు, పరిశోధనల కోసం ఇక్కడ కోతులను పెంచుతుంటారు. ప్రస్తుతం ఈ సంస్థలో 50 కోతులుండగా.. బయటి ఎన్ క్లోజర్ తలుపులు తెరిచి ఉండటంతో 43 కోతులు వెళ్లిపోయాయి. దీంతో అక్కడి ప్రజలంతా తమ ఇళ్ల తలుపులు, కిటికీలను మూసివేయాలని అధికారులు కోరారు. కోతుల వద్దకు వెళ్లవద్దని హెచ్చరించారు. కాగా, కోతుల కోసం పోలీసులు గాలింపు చర్యలు చేపట్టారు.
