Varun Gandhi : వచ్చే లోక్‌సభ ఎన్నికలకు రంగం సిద్ధమైంది. ఏప్రిల్-మేలో ఓటింగ్ అనంతరం జూన్ 4న ఫలితాలు వెల్లడికానున్నాయి. యూపీలో ఎక్కువ మంది అభ్యర్థుల పేర్లను ప్రకటించిన బీజేపీ.. ఇప్పుడు అందరి చూపు వరుణ్ గాంధీపైనే ఉంది. పిలిభిత్ స్థానం నుంచి ప్రస్తుత ఎంపీగా ఉన్న వరుణ్ గాంధీ చాలా కాలంగా తన సొంత రాష్ట్రానికి, కేంద్ర ప్రభుత్వానికి వ్యతిరేకంగా ప్రకటనలు చేస్తూనే ఉన్నారు. పార్టీపై ఆయన ఆగ్రహంగా ఉన్నారనే సమాచారం కూడా ఎప్పటికప్పుడు వెలుగులోకి వచ్చింది. ఇప్పుడు పిలిభిత్ నుండి వరుణ్ గాంధీ టిక్కెట్‌ను బిజెపి రద్దు చేసే అవకాశం ఉన్నట్లు తెలుస్తోంది.
చదవండి:Harish Rao: ఎకరాకు రూ.10 వేల నష్టపరిహారం ఇవ్వాలి
ఒకప్పుడు కాంగ్రెస్‌లో ఉండి ప్రస్తుతం యూపీ ప్రభుత్వంలో మంత్రిగా ఉన్న జితిన్ ప్రసాద్‌కు పిలిభిత్ స్థానం నుంచి బీజేపీ టిక్కెట్టు ఇచ్చే అవకాశం ఉంది. దీంతో పాటు మరో మంత్రి సంజయ్ గంగ్వార్ పేరు కూడా చర్చల్లో ఉంది. అయితే కేంద్ర ఎన్నికల కమిటీ సమావేశంలో తుది నిర్ణయం తీసుకోనున్నారు. యూపీఏ ప్రభుత్వ హయాంలో జితిన్ ప్రసాద్ కేంద్రంలో మంత్రిగా పనిచేసిన సంగతి తెలిసిందే. రాహుల్‌గాంధీకి అత్యంత సన్నిహితంగా ఉండే నేతల్లో ఆయన పేరుంది. ఆ తర్వాత కాంగ్రెస్‌ను వీడి బీజేపీలో చేరి యోగి ప్రభుత్వంలో మంత్రిగా పనిచేశారు. దశాబ్దం క్రితం వరుణ్‌గాంధీ బీజేపీలో ఫైర్‌బ్రాండ్‌గా నిలిచారు. గత కొన్ని సంవత్సరాలుగా వరుణ్ గాంధీ రైతుల ఉద్యమం, నిరుద్యోగం, యుపి, కేంద్రంలోని తన స్వంత ప్రభుత్వాలపై దాడి చేయడంతో సహా పలు సమస్యలపై ఆయన గొంతు విప్పారు. అందుకే ఈసారి లోక్‌సభ ఎన్నికల్లో పార్టీ వరుణ్‌కు టికెట్ నిరాకరించే అవకాశం ఉందని చాలా కాలంగా ఊహాగానాలు సాగుతున్నాయి.
చదవండి:Kavitha : ‘అక్కా… వెల్‌కమ్ టు తీహార్ క్లబ్’ కవితకు లేఖ రాసిన సుకేష్
వరుణ్ గాంధీపై అఖిలేష్ యాదవ్ ఏమన్నారు?
బీజేపీపై వరుణ్ గాంధీ అసంతృప్తితో ఉన్నారని.. త్వరలో అతడు సమాజ్ వాదీ పార్టీలో చేరే అవకాశం ఉందని ప్రచారం జరుగుతోంది. 2022 అసెంబ్లీ ఎన్నికలలో కూడా ఊహాగానాలు జరిగాయి. దీనిపై ఇప్పుడు ఎస్పీ అధినేత అఖిలేష్ యాదవ్ స్పందించారు. బీజేపీ ఎంపీ వరుణ్ గాంధీ విషయంలో నిర్ణయం తీసుకుంటామన్నారు. వరుణ్ అమేథీ నుంచి స్వతంత్ర అభ్యర్థిగా పోటీ చేయవచ్చని, కాంగ్రెస్, ఎస్పీ ఆయనకు మద్దతివ్వవచ్చని మరో ఊహాగానాలు వినిపిస్తున్నాయి.
