US Student Visa India : నానాటికీ అమెరికా వెళ్లి చదువుకోవాలని ఆశించే భారతీయ విద్యార్థుల సంఖ్య పెరుగుతూ వస్తోంది. అందుకు తగినట్లుగానే అగ్రరాజ్యం అమెరికా కూడా భారతీయులకు పెద్ద ఎత్తున వీసాలు జారీ చేస్తూ వస్తోంది. ఏ ఏడాది గురువారం నుంచి ఈ స్టూడెంట్‌ వీసాల(STUDENT VISA) జారీ ప్రక్రియ ప్రారంభం అయ్యింది. నిన్న ఒక్కరోజే నాలుగు వేల మందిని ఇంటర్వ్యూ చేసినట్లు భారత్‌లోని అమెరికా రాయబార కార్యాలయం తాత్కాలిక కాన్సులేట్‌ జనరల్‌ సయ్యద్‌ ముజ్‌తంబా అంద్రాబీ తెలిపారు.
చదవండి : సీతనపల్లి హైవేపై ఢీకొన్న లారీలు.. ఆరుగురి మృతి
2023లో దేశ వ్యప్తంగా మొత్తం లక్షా నలభై వేల మంది విద్యార్థులకు(STUDENTS) స్టూడెంట్‌ వీసాలను(STUDENT VISA) జారీ చేశారు. ఈ ఏడాది కూడా అదే మొత్తంలో లేదా అంతకంటే ఎక్కువగా వీసాలు జారీ అయ్యే అవకాశాలు ఉన్నట్లు సమాచారం. 2018, 2019, 2020ల్లో మూడు సంవత్సరాలకు కలిపి ఎన్ని వీసాలు జారీ చేశారో అంతకంటే ఎక్కువగా 2023లో స్టూడెంట్‌ వీసాలు జారీ అయ్యాయి. ఈ ఏడాది కంటే అంతకంటే ఎక్కువగానే వీసాలు జారీ అవుతాయని తెలుస్తోంది.
చదవండి : వరుసగా రెండో రోజూ తగ్గిన వెండి, బంగారం ధరలు!
మన దేశ(INDIA) వ్యాప్తంగా దిల్లీ, ముంబయి, చెన్నై, హైదరాబాదుల్లో ఉన్న అమెరికా ఎంబసీ కార్యాలయాల్లో ఈ ప్రక్రియ గురువారం షురూ అయ్యింది. మరి కొన్ని రోజుల పాటు ఇది కొనసాగనుంది. దీంతో యూఎస్‌ ఎంబసీ ఆఫీసుల దగ్గర భారీగా క్యూలు కనిపించాయి. అక్కడ కోలాహల వాతావరణం నెలకొంది. అమెరికాలో ఉన్న మొత్తం 4,500 అక్రిడేటెడ్‌ యూనివర్సిటీల్లో ప్రవేశాల కోసం ఈ వీసాలు జారీ కానున్నాయి.
