YogiAdityanath
Ram Mandir : ఈ నెల 22న అయోధ్యలో రామమందిర ప్రారంభోత్సవం కోసం కోట్లాది మంది భక్తులు ఆసక్తిగా ఎదురుచూస్తున్న సంగతి తెలిసిందే. దేశం నలుమూలల నుంచి వేలాదిగా భక్తులు వచ్చే అవకాశం ఉన్నందున ఎవరికీ ఇబ్బందులు కలగకుండా సీఎం యోగి ఆదిత్యనాథ్ స్వయంగా ఏర్పాట్లను పర్యవేక్షిస్తున్నారు. కాగా, సీఎం యోగి ప్రారంభోత్సవ కార్యక్రమానికి హాజరైనప్పుడు చంపేస్తానని సిక్కుల ఫర్ జస్టిస్ చీఫ్ గురు పట్వంత్ సింగ్ పన్ను వార్నింగ్ ఇచ్చారు.
చదవండి:Hanmakonda : హన్మకొండలో రోడు ప్రమాదం.. డీజిల్ ట్యాంకర్, ఆర్టీసీ బస్సు ఢీ
ఈ మేరకు పన్ను ఆడియో సందేశంతో బెదిరింపు రికార్డింగ్‌ను పంపాడు. ఉత్తరప్రదేశ్ పోలీసులు మాకు సంబంధించిన ముగ్గురు అమాయకులను అరెస్టు చేశారని, అక్రమంగా అనేక కేసులు పెట్టి జైల్లో పెట్టి రకరకాలుగా హింసించారని గురుపట్వంత్ పేర్కొన్నారు. సీఎం యోగిని చంపబోతున్నామని, జనవరి 22న ఆయన్ను మా నుంచి ఎవరూ కాపాడలేరని హెచ్చరించారు. ఈ హెచ్చరికల కారణంగా ఉత్తరప్రదేశ్ పోలీసులు అప్రమత్తమయ్యారు. ఎవరైతే అనుమానితులుగా తేలితే వారిని అరెస్టు చేస్తున్నారు. యూపీ యాంటీ టెర్రరిస్ట్ స్క్వాడ్ అధికారులు ఇటీవల ముగ్గురు ఖలిస్తానీ సానుభూతిపరులను అరెస్టు చేశారు. సీఎం సెక్యూరిటీ ఏజెన్సీ అందించిన సమాచారం ప్రకారం.. ఉగ్రవాది పన్ను యునైటెడ్ కింగ్‌డమ్ రాష్ట్రంలోని ఒక ప్రదేశం నుండి బెదిరింపు ఆడియో రికార్డింగ్‌ను పంపినట్లు గుర్తించారు.
చదవండి:Bodige Galanna : మాజీ ఎమ్మెల్యే బొడిగె శోభ భర్త అనారోగ్యంతో మృతి
