Puri Jagannath Temple : ఒడిశాలోని పూరీ జగన్నాథ స్వామి ఆలయంలో ఉన్న రహస్య లోపలి గదిని అధికారులు మళ్లీ తెరిచారు. ఈ గదిని తెరవడం ఈ వారంలోనే ఇది రెండో సారి. అక్కడ ఉన్న అతి విలువైన ఆభరణాలను(Valuables) తాత్కాలికంగా స్ట్రాంగ్‌ రూంకి తరలిస్తున్నారు. గురువారం ఉదయం ముందు స్వామి వారికి పూజలు నిర్వహించారు. అనంతరం 9:51 గంటలకు ఈ గదిని మళ్లీ తెరిచారు. అక్కడున్న అన్ని వస్తువులనూ స్ట్రాంగ్‌ రూంకి తరలించే పనిలో పడ్డారు. ఈ సాయంత్రం వరకు ఈ పనులు జరుగుతాయని కమిటీ ఛైర్మన్‌ జస్టిస్‌ బిశ్వంత్‌ రాథ్‌ వెల్లడించారు.
చదవండి : హథ్రస్‌ తొక్కిసలాట.. ఆశ్రమానికి తిరిగి వచ్చిన భోలే బాబా
పూరీ జగన్నాథ ఆలయం(Puri Jagannath Temple )లోని, రత్నభండార్‌ బయటి గదిలో ఉన్న అమూల్యమైన వస్తువులను ఈ నెల 14న స్ట్రాంగ్‌ రూంకి తరలించిన విషయం తెలిసిందే. పూరీ రాజు గజపతి మహారాజ దివ్య సింగ్‌ దేబ్‌ సమక్షంలో ఈ ఆభరణాల తరలింపు కార్యక్రమాన్ని ప్రస్తుతం చేపట్టారు. ఈ షిఫ్టింగ్‌ పూర్తయిన తర్వాత రత్న భాండార్‌లోని ఇన్నర్‌ ఛాంబర్‌కి తిరిగి సీల్ వేయనున్నారు. త్వరలో దీనికి పురావస్తు శాఖ వారి ఆధ్వర్యంలో మరమ్మతులు నిర్వహించనున్నారు. ఈ కారణంగానే ఆభరణాలు అన్నింటినీ స్ట్రాంగ్‌ రూంకి తరలిస్తున్నారు. ముందుగా అనుకున్న షెడ్యూల్‌ ప్రకారమే ఈ పనులన్నీ జరుగుతున్నాయి.
చదవండి : తనకు సిగ్గుశరం లేదంటూ పోస్ట్‌ పెట్టిన జగపతిబాబు
గత కొన్ని రోజులుగా పూరీ రత్న భండార్‌పై(Ratna Bhandar) దేశ వ్యాప్తంగా చర్చ నడుస్తోంది. 46 ఏళ్ల తర్వాత ఈ రహస్య గదిని తెరిచేందుకు అధికారులు సమాయత్తం కావడంతో ఇప్పుడు అందరి దృష్టి దీనిపైనే ఉంది. నాలుగు రోజుల క్రితం ఈ గదుల్ని ఓపెన్‌ చేసిన అధికారులు, గురువారం మరో సారి రత్నభాండార్‌ లోపలి గదిని తెరిచారు. అందుకోసం అక్కడ పటిష్ఠ బందోబస్తును ఏర్పాటు చేశారు. మొత్తం సీసీటీవీల పరిధిలోనే ఈ వ్యవహారం అంతా జరుగుతుంది.
