Monkey: హిమాచల్ ప్రదేశ్‌(Himachal pradesh) రాష్ట్రంలో విషాదం చోటు చేసుకుంది. రాజధాని సిమ్లా(Simla)లో సోమవారం కోతుల కారణంగా ఓ యువతి ప్రాణాలు కోల్పోయింది. కోతుల గుంపు ఒక్కసారిగా దాడి చేయడంతో తప్పించుకునే ప్రయత్నంలో ఆ యువతి తన ఇంటి మూడో అంతస్తు నుంచి పడిపోయింది. గమనించిన స్థానికులు వెంటనే ఆస్పత్రి(Hospital)కి తరలించే ప్రయత్నం చేయగా అప్పటికే మృతి చెందింది. దీంతో పోలీసులకు సమాచారం అందించారు స్థానికులు. విషయం తెలియగానే ఘటనా స్థలానికి పోలీసులు చేరుకున్నారు.
చదవండి :Breaking: కూలీలతో వెళ్తున్న ఆటోకు యాక్సిడెంట్..ఇద్దరు మృతి, 12 మందికి గాయాలు
పోలీసులు తెలిపిన వివరాల ప్రకారం.. హిమానీ శర్మ (19)(Himani Sharma) బట్టలు ఆరబెట్టేందుకు తన ఇంటి మూడో అంతస్తులోకి వెళ్లగా, ఒక్కసారిగా అరుస్తున్న కోతుల(monkeys) గుంపు ఆమెపై దాడి చేసింది. కోతుల బారి నుంచి కాపాడుకునే ప్రయత్నంలో బ్యాలెన్స్ తప్పి కింద పడిపోయింది. హిమానీని ఐజీఎంసీ మెడికల్ కాలేజ్ అండ్ హాస్పిటల్‌(IGMC Medical College and Hospital)కు తరలించగా, ఆమె చనిపోయినట్లు వైద్యులు నిర్ధారించారని పోలీసులు తెలిపారు. ఈ ఘటన సిమ్లా నగర శివార్లలోని దండాలో చోటుచేసుకుంది. మృతదేహాన్ని పోస్టుమార్టం నిమిత్తం తరలించినట్లు పోలీసులు తెలిపారు. సామాన్య ప్రజలపై కోతుల దాడులు పెరుగుతున్నాయని పోలీసులు, ఈ విషయాన్ని వన్యప్రాణుల అధికారులకు తెలియజేశారు. దీంతో వారు సున్నితమైన ప్రదేశాలలో సిబ్బందిని మోహరించేందుకు సన్నద్ధం అవుతున్నారు.
చదవండి : Virupaksha: 50 కోట్లు కొల్లగొట్టిన ‘విరూపాక్ష’.. ఇకపై అంత లాభమే!
