Rupali Ganguly : ప్రముఖ బుల్లి తెర టీవీ షో ‘అనుపమ’ ఫేమ్ రూపాలీ గంగూలీ గురించి ప్రత్యేకంగా చెప్పాల్సిన పనిలేదు. స్మాల్ స్ర్కీన్ ఇండస్ట్రీలో అత్యధికంగా సంపాదించే వారిలో రూపాలి ఒకరు. ఇటీవల రూపాలీ గంగూలీ రాజకీయ పార్టీ బీజేపీలో చేరారు. తనను తాను ప్రధాని మోడీ అభిమానిగా అభివర్ణించుకున్న రూపాలీ తన రాజకీయ జీవితాన్ని ప్రారంభించేటప్పుడు ప్రధానిని ప్రశంసించారు. బీజేపీ ద్వారా రాజకీయాల్లోకి రావడం వెనుక తన ఆలోచన ఏంటో చెప్పారు.
చదవండి:Covishield : సుప్రీంకోర్టుకు కోవిషీల్డ్ కేసు.. వైద్య బృందం దర్యాప్తుకు అవకాశం
బీజేపీలో చేరిన తర్వాత రూపాలి మాట్లాడుతూ.. బిజెపి పని తీరు తనను ఆకట్టుకుంది. ఇప్పటికే ఈ పార్టీలో చేరాలనుకుంటున్నాను. నేను ఇక్కడకు రావడం చాలా గౌరవంగా భావిస్తున్నాను. ప్రధానమంత్రి నరేంద్రమోడీ నన్ను చాలా ప్రభావితం చేశారు. నేను ప్రధాని మోడీకి పెద్ద అభిమానిని. బీజేపీ చాలా మంచి పని చేస్తోంది అందుకే బీజేపీలో చేరాలని అనుకున్నాను. నేను పార్టీకి చాలా కృతజ్ఞుతురాలిని. ఈ అభివృద్ధి ‘మహా యజ్ఞం’ చూసినప్పుడు, నేను కూడా ఇందులో పాలుపంచుకోవాలని అనిపిస్తోంది… నేను ఏది చేసినా అది సరైనది, మంచి చేసేలా మీ ఆశీర్వాదం కావాలి” అని గంగూలీ అన్నారు.
చదవండి:Shahrukh Khan: కోహ్లీ బాలీవుడ్ అల్లుడు.. వారి బాండింగ్ గురించి షారుక్ ఖాన్‌ ఏం చెప్పాడంటే?
మార్చిలో రూపాలి తన ఇన్‌స్టాగ్రామ్ ఖాతాలో ప్రధానిని కలిసిన విషయాన్ని వెల్లడించారు. రూపాలీ గంగూలీ గతంలో కూడా ప్రధాని మోడీని ప్రశంసించారు. సుమారు రెండు నెలల క్రితం, సోషల్ మీడియాలో ఒక పోస్ట్‌ను పంచుకుంటూ, ఆమె తనను తాను ప్రధాని మోదీకి ‘ఫ్యాన్ గర్ల్’గా అభివర్ణించింది. ఆమె ఒక కార్యక్రమంలో మొదటిసారిగా ప్రధాని మోడీని కలిశారు, గంగూలీ దీనిని ‘ఫ్యాన్ గర్ల్ మూమెంట్’గా అభివర్ణించారు. ఇది తన జీవితంలో మరపురాని రోజు అని అన్నారు.
