Anand Mahindra's tweet on Atal Setu Bridge.. Viral
Anand Mahindra: భారత్‌లో అతి పొడవైన బ్రిడ్జ్ అయిన అటల్ సేతు(Atal Setu) ప్రారంభోత్సవానికి సిద్ధమైంది. మాజీ ప్రధాని అటల్ బిహారీ వాజ్ పేయి పేరు పెట్టిన ఈ వంతెనను ఈ శుక్రవారం ప్రధాని నరేంద్ర మోడీ ప్రారంభిస్తారు. ఈ సందర్భంగా బ్రిడ్జిని విద్యుత్ దీపాలతో అద్భుతంగా అలంకరించారు. ఈ అటల్ సేతు బ్రిడ్జి ఫొటోలను ప్రముఖ వ్యాపారవేత్త ఆనంద్ మహీంద్రా(Anand Mahindra) ట్విట్టర్లో పంచుకున్నారు. క్యాప్షన్ అక్కర్లేని, వర్ణించేందుకు పదాలు చాలని ఫొటోలంటూ కామెంట్ కూడా చేశారు. ప్రస్తుతం ఆయన పోస్ట్ నెట్టింట్లో వైరల్ అవుతోంది.
చదవండి:Ayodhya Ram Mandir: దేశవిదేశాల నుంచి అయోధ్యకు పెద్ద ఎత్తున బహుమతులు
దక్షిణ ముంబైని, నవీ ముంబై(Mumbai )ని కలుపుతూ 21.8 కిలోమీటర్ల పొడవుతో దాదాపు రూ. 18వేల కోట్ల ఖర్చుతో 2018లో ఈ నిర్మాణాన్ని చేపట్టారు. మొత్తం ఆరు లేన్లతో సముద్రంపై 16.5 కిలోమీటర్లు, నేలపై 5.3 కిలోమీటర్ల పొడవుతో నిర్మించారు. దీని ద్వారా 2 గంటలు చేసే ప్రయాణం 20 నిమిషాల్లో పూర్తికానుంది. ఇక బ్రిడ్జిపై 100 కిలోమీటర్ల వేగాన్ని కార్లకు కెటాయించారు. ఆటోలకు, బైక్ లకు ఎంట్రీ లేదని ముంబై పోలీసులు తెలిపారు.
చదవండి:KTR: ప్రజల సౌకర్యమే చూసాము.. కానీ రాజకీయ ప్రయోజనం, ప్రచారం గురించి ఆలోచించలేదు
