రెబల్ స్టార్ ప్రభాస్ నటిస్తున్న పాన్ ఇండియా మూవీ ‘ఆదిపురుష్’ కోసం ఈగర్‌గా వెయిట్ చేస్తున్నారు ప్రభాస్ అభిమానులు. ఇప్పటికే షూటింగ్ పార్ట్ కంప్లీట్ చేసుకున్న ఈ సినిమా.. ప్రస్తుతం పోస్ట్ ప్రొడక్షన్ పనులు జరుపుకుంటోంది. ఈ సినిమాను వచ్చే ఏడాది సంక్రాంతి కానుకగా జనవరి 12న రిలీజ్ చేసేందుకు సన్నాహాలు చేస్తున్నారు. అయితే ఈ సినిమా స్టార్ట్ అయి చాలా రోజులైనా.. ఇప్పటి వరకు ఎలాంటి అప్డేట్స్ ఇవ్వడం లేదు మేకర్స్. దీంతో డార్లింగ్ ఫ్యాన్స్ కాస్త ఫైర్ అవుతున్నారు. ఈ నేపథ్యంలో తమ ఆనందం కోసం తామే ఫ్యాన్ మేడ్ పోస్టర్స్ క్రియేట్ చేసి.. తమ క్రియేటివిటీని చూపిస్తున్నారు. తాజాగా ఓ ఫ్యాన్ మేడ్ ఆర్ట్ పోస్టర్ ఇప్పుడు అందరి దృష్టిని ఆకర్షించింది. ఈ పోస్టర్ అదిరిపోయేలా ఉండడంతో.. సోషల్ మీడియాలో వైరల్‌గా మారింది. దీంతో ఒక్కసారిగా ప్రభాస్ లుక్ ట్విట్టర్‌లో ట్రెండింగ్ టాపిక్‌గా మారిపోయింది. ఇక ఇదే సమయంలో అఫీషియల్‌గా ఆదిపురుష్ ఫస్ట్ లుక్ టైం ఫిక్స్ అయినట్టు తెలుస్తోంది.
సెప్టెంబర్ నెలలో ముహూర్తం ఫిక్స్ చేసినట్టు ఇండస్ట్రీ వర్గాల సమాచారం. ఇక దీనికి తోడు మరో సెన్సేషనల్ న్యూస్ కూడా సోషల్ మీడియాలో హల్ చల్ చేస్తోంది. ముందు నుంచి ఈ సినిమాను పాన్ వరల్డ్ స్థాయిలో రిలీజ్ చేసేందుకు ప్లాన్ చేస్తున్నారని వినిపిస్తోంది. దాంతో అత్యధిక స్క్రీన్స్‌లో రిలీజ్ చేయబోతున్నారని టాక్. మొత్తంగా 10వేల స్క్రీన్స్ టార్గెట్ అని తెలుస్తోంది. అయితే లేటెస్ట్ అప్టేట్ ప్రకారం.. ఆ స్కీన్స్‌లలో రోజుకు 35 వేలకు పైగా షోస్ వేసేందుకు రంగం సిద్దం చేస్తున్నారట. ఒకవేళ ఇదే నిజమైతే.. ఆదిపురుష్ సరికొత్త రికార్డు క్రియేట్ చేయడం ఖాయమంటున్నారు. ఇక ఓం రౌత్ దర్శకత్వంలో.. రామాయణం ఆధారంగా తెరకెక్కుతున్న ఈ సినిమాలో సీతగా కృతి సనన్.. రావణుడిగా సైఫ్ అలీ ఖాన్ నటిస్తున్నారు. మరి ఫ్యాన్స్ కోరిక మేరకు ఇప్పటికైనా ఆదిపురుష్ ఫస్ట్ లుక్ రిలీజ్ చేస్తారేమో చూడాలి.
