మాస్ కా దాస్ విశ్వక్ సేన్ నటించిన ధమ్కీ మూవీ ఉగాదికి గ్రాండ్‌గా రిలీజ్ అయిపోయింది. ఈ సినిమాను నందమూరి టచ్‌తో భారీగా ప్రమోషన్స్ చేశాడు విశ్వక్. ఏకంగా ప్రీ రిలీజ్ ఈవెంట్‌కు ఎన్టీఆర్ రావడంతో.. సినిమాకు మంచి బజ్ వచ్చింది. ఆస్కార్ తర్వాత తారక్ వచ్చిన ఫస్ట్ పబ్లిక్ మీటింగ్ ఇదే. ఎన్టీఆర్ ఆస్కార్ క్రేజ్‌ ధమ్కీకి బాగానే కలిసొచ్చింది. అయితే విశ్వక్ సేన్‌కు ఎన్టీఆర్ అంటే చాలా ఇష్టం. డై హార్డ్ ఫ్యాన్స్‌లో దాస్‌దే ఫస్ట్ ప్లేస్. అంతేకాదు ధమ్కీ ఈవెంట్‌తో ఎన్టీఆర్‌కు కొత్త బిరుదు ఇచ్చాడు. మాస్ అమ్మ మొగుడు అంటూ.. రచ్చ రచ్చ చేశాడు. ఇలాంటి అభిమానికి.. తన అభిమాన హీరోనే డైరెక్ట్ చేసే ఛాన్స్ వస్తే ఎలా ఉంటుందో ఊహించుకోవచ్చు. విశ్వక్‌కు ఆ ఛాన్స్ వచ్చినా, రాకపోయినా.. ఎన్టీఆర్‌ను డైరెక్ట్ చేయడమే అతని లక్ష్యంలా కనిపిస్తోంది. దమ్కీ ప్రీ రిలీజ్ ఈవెంట్‌లో విశ్వక్‌ని హీరోగానే కంటిన్యూ అవమని.. డైరెక్టర్‌గా సినిమాలు చేయొద్దని చెప్పాడు ఎన్టీఆర్. వేరే దర్శకులతో పని చేయాలని సూచించారు. కానీ విశ్వక్ మాత్రం ఇప్పుడు ఎన్టీఆర్‌నే డైరెక్షన్ చేస్తా అంటున్నాడు. ధమ్కీ ప్రమోషన్స్‌లో భాగంగా.. ట్విట్టర్‌లో ఫ్యాన్స్‌తో కొన్ని ఇంట్రెస్టింగ్ విషయాలు షేర్ చేసుకున్నాడు విశ్వక్. ఈ క్రమంలో ఓ అభిమాని.. ఏ హీరోను డైరెక్టర్ చేయాలని ఉంది అడిగాడు. దానికి.. నా మాస్ అమ్మ మొగుడు ఎన్టీఆర్‌ని డైరెక్టర్ చేయాలనుందని చెప్పుకొచ్చాడు. ప్రస్తుతం ఈ పోస్ట్ సోషల్ మీడియాలో వైరల్‌గా మారింది. అయితే విశ్వక్ కోరిక బాగానే ఉంది గానీ.. ఇది సాధ్యమేనా అంటే.. ఖచ్చితంగా కాదని చెప్పొచ్చు. ఒకవేళ.. బై లక్ నిజంగానే తారక్‌తో ఛాన్స్ అందుకుంటే మాత్రం.. ఆ లెక్క వేరే ఉంటదని చెప్పొచ్చు. మరి మాస్ కా దాస్ ఎన్టీఆర్‌ను డైరెక్ట్ చేసే ఛాన్స్ అందుకుంటాడో లేదో చూడాలి.
