గతంలో ఏపి సీఎం జగన్మోహన్ రెడ్డిని కలిసి నెక్ట్స్ డేనే కొత్త ప్రాజెక్ట్స్ అనౌన్స్ చేశాడు రామ్ గోపాలా్ వర్మ. ‘వ్యూహం’ అనే రాజకీయ సినిమా తియ్యబోతున్నట్టు ప్రకటించాడు. సీఎం వైఎస్‌ జగన్‌మోహన్‌రెడ్డి జీవితంలో 2009-2014 ఎన్నికల వరకు ఏం జరిగింది? అనేది వ్యూహంలో చూపించనున్నారు. అలాగే 2015-2023 వరకు సీఎం జగన్‌ జీవితంలోని అంశాల నేపథ్యంలో వ్యూహం 2 తెరకెక్కిస్తున్నాడు. తాజాగా ఈ రెండు చిత్రాల రిలీజ్ డేట్ ప్రకటించారు. వ్యూహం సినిమాను నవంబర్‌ 10న, శపథం చిత్రాన్ని జనవరి 25న విడుదల చేయనున్నట్టు అనౌన్స్ చేశాడు. రామదూత క్రియేషన్స్‌ పతాకంపై దాసరి కిరణ్‌కుమార్‌ ఈ చిత్రాన్ని నిర్మిస్తున్నారు.
చదవండి:SSMB29: మహేష్ రాజమౌళి సినిమా అప్డేట్
ఈ సినిమా పక్కా ఎలక్షన్ టార్గెట్‌గా రాబోతోంది. ఇక ఈ సినిమా ప్రకటించినప్పుడు.. అహంకారానికి , ఆశయానికి మధ్య జరిగిన పోరాటం నుండి ఉద్భవించిన ‘వ్యూహం’ కథ , రాజకీయ కుట్రల విషంతో నిండి వుంటుంది. రాచకురుపు పైన వేసిన కారంతో బొబ్బలెక్కిన ఆగ్రహానికి ప్రతికాష్టే ‘వ్యూహం’.. అని చెప్పుకొచ్చాడు. అలాగే ఈ చిత్రం 2 పార్ట్స్‌గా రాబోతుందని.. ఫస్ట్ పార్ట్ ‘వ్యూహం’ రెండో పార్ట్ ‘శపథం’ అని.. రెండింటిలోనూ రాజకీయ ఆరాచకీయాలు పుష్కలంగా వుంటాయని.. రాష్ట్ర ప్రజలు ‘వ్యూహం’ షాక్ నుంచి తెరుకునే లోపే వాళ్ళకి ఇంకో ఎలెక్ట్రిక్ షాక్ పార్ట్ 2 ‘శపథం’తో తగులుతుందని అన్నాడు.
చదవండి:Disha patani: చూపించేదాక వదలని అధికారి..నెటిజన్ల కామెంట్స్
అయితే ఎలక్షన్స్ టార్గెట్ గా ఈ చిత్రం తియ్యట్లేదని చెప్తే ఎవ్వరూ నమ్మరు.. అందుకే ఏం చెప్పాలో, ఏం చెప్పకూడదో చెప్పాల్సిన అవసరం లేదని.. మీకు వేరే చెప్పక్కర్లేదు.. కనక చెప్పట్లేదని.. రాసుకొచ్చాడు.
