హిట్ యూనివర్స్ తోహిట్ అందుకున్న శైలేష్ కొలను(Silesh kolanu) దర్శకత్వంలో వెంకటేష్(Venkatesh) నటిస్తున్న చిత్రం ‘సైంధవ్’ (Saindhav Movie). నిహారిక ఎంటర్ టైన్ మెంట్స్ బ్యానర్ పై వెంకట్ బోయినపల్లి ఈ మూవీని నిర్మిస్తున్నాడు. ఇక తాజాగా ఈ సినిమా టైటిల్ తో పాటు సినిమా షూటింగ్ ను కూడా మొదలుపెట్టినట్లు మేకర్స్ తెలిపారు. వెంకీ మామ మొట్టమొదటి పాన్ ఇండియా సినిమా. అందుకు తగ్గట్టే పోస్టర్ అదిరిపోయింది. పోర్ట్ ఏరియాలో వున్న కంటైనర్ ల మధ్య చేతిలో ఏకే 47 గన్ ని పట్టుకుని మరో చేతిలో క్యాప్సిల్ ని పట్టుకుని వెంకీ కనిపిస్తున్న తీరు సినిమాపై అంచనాల్ని పెంచేస్తోంది. ‘నేనిక్కడే వుంటాన్రా..ఎక్కడికి వెళ్లను..రమ్మను..’ అని బేస్ వాయిస్ తో వెంకీ చెప్పిన విధానం ఆకట్టుకుంటోంది.
చదవండి: Ileana D’Cruz: తనకు పుట్టబోయే బేబీకి తండ్రెవరో చెప్పిన ఇలియానా!
కాగా తాజాగా సైంధవ్ మూవీ(Saindhav Movie) నుంచి మరో పోస్టర్ విడుదల చేశారు. అందులో ఓ చిన్న పాపను చూపించారు. ఈ సినిమాకి ఆ పాప కీలకం అని తెలుస్తోంది. పాప పేరు సారా కాగా, ఈ మూవీలో గాయత్రి అనే పాత్రలో కనిపించనున్నారు. పోస్టర్‌లో వెంకటేష్(Venkatesh) మందపాటి గడ్డం, ముఖం మీద గాయాలు స్పష్టంగా కనపడుతున్నాయి. ఇక వెంకటేష్ 75వ ప్రాజెక్ట్ కావడంతో ఈ మూవీని అత్యంత ప్రతిష్టాత్మకంగా తెరకెక్కిస్తున్నారు. మరి ఈ సినిమా వెంకీ మామకు ఎలాంటి హిట్ ఇస్తుందో చూడాలి.
