గత కొన్ని నెలలుగా వాయిదా పడుతు వస్తున్న పుష్ప2(Pushpa 2) షూటింగ్‌కు.. ఎట్టకేలకు రంగం సిద్దమైంది. ఈ నేపథ్యంలో పలు ఇంట్రెస్టింగ్ విషయాలు వెలుగులోకి వస్తున్నాయి. పుష్ప రిజల్ట్ చూసిన తర్వాత పుష్ప2ని మరింత గ్రాండ్‌గా ప్లాన్ చేస్తున్నాడు సుకుమార్. అందుకే ముందుగా అనుకున్న కథలో కీలక మార్పులు చేసినట్టు తెలుస్తోంది. భారీ బడ్జెట్, స్టార్ క్యాస్టింగ్, హై ఓల్టేజ్ యాక్షన్ సీక్వెన్స్.. ముఖ్యంగా గ్రాఫిక్స్ విషయంలో తగ్గేదేలే అంటున్నాడట సుక్కు.
ఇప్పటికే స్క్రిప్టు లాక్ చేసిన సుకుమార్.. లొకేషన్స్ కూడా ఫైనల్ చేశాడు. అతి త్వరలో షూటింగ్ మొదలు పెట్టేందు రెడీ అవుతున్నాడు. ఇప్పటికే పుష్పరాజ్ పై ఫోటోషూట్ కూడా ఫినిష్ చేసినట్టు టాక్. ఇక అల్లు స్టూడియోస్‌లో ఈ సినిమా షూటింగ్ స్టార్ట్ చేసి.. ఆ తర్వాత విదేశాలకు వెళ్లనున్నారట. ఈ క్రమంలో బ్యాంకాక్- శ్రీలంక అడవుల్లో చిత్రీకరణకు ప్లాన్ చేస్తున్నారట. అయితే బ్యాంకాక్ ఫారెస్ట్‌లో ఊహకందని సీక్వెన్స్ తెరకెక్కించబోతున్నాడట సుకుమార్. ఆర్ఆర్ఆర్‌లో యంగ్ టైగర్ ఎన్టీఆర్ పులితో తలపడే సీన్ ఎంత హైలెట్‌గా నిలిచిందో అందరికీ తెలిసిందే.
అది గ్రాఫిక్స్ అయినప్పటికీ.. ఎంతో రియలిస్టిక్‌గా తెరకెక్కించాడు దర్శక ధీరుడు రాజమౌళి. ఇప్పుడు అంతకు మించి అనేలా పులికి పుష్పరాజ్‌కు ఫైట్ పెట్టబోతున్నాడట సుక్కు. అయితే ఇక్కడ గమనించాల్సిన అంశం ఏంటంటే.. ఇండియాలో మాత్రమే దొరికే ఎర్రచందనం చెట్లకు.. బ్యాంకాక్ అడవులకు అసలు లింక్ ఏంటనేది తేలడం లేదు. అసలే బ్యాంకాక్ అడవులకు పుష్పరాజ్ వెళ్లాల్సిన అవసరం ఎందుకుంటుంది.. కాబట్టి ఇలాంటి వార్తలన్నీ పుకార్లకే పరిమితమని చెప్పొచ్చు.
ఇది కూడా చూడండి: విశ్వక్ సేన్(Vishwak Sen) పై రామ్ చరణ్(Ram Charan) కామెంట్స్ వైరల్..!
