Kalki: ప్రభాస్ నటిస్తుస్తున్న లేటెస్ట్ ఫిల్మ్ కల్కి.. బడ్జెట్ పరంగానే కాదు, రిలీజ్ పరంగా కూడా హాలీవుడ్ రేంజ్‌లో రాబోతోంది. ప్రమోషన్స్ కూడా హాలీవుడ్ లెవల్లోనే ప్లాన్ చేస్తున్నారు మేకర్స్. ఇప్పటికే రిలీజ్ చేసిన గ్లింప్స్ అంచనాలను పెంచేశాయి. గ్రాఫిక్స్ పరంగా డైరెక్టర్ నాగ్ అశ్విన్ సూపర్ క్లియర్‌గా ఉన్నట్టుగా అర్థమైపోయింది. దీంతో కల్కి కోసం ఈగర్‌గా వెయిట్ చేస్తున్నారు అభిమానులు. కానీ మే 9న రావాల్సిన కల్కి 2898 ఏడి.. దాదాపుగా పోస్ట్ పోన్ అయిపోయినట్టే.
ఇది కూడా చూడండి: Tillu Square: టిల్లుగాడికి 100 కోట్లు.. రంగంలోకి ఎన్టీఆర్!
ఎలక్షన్స్ కారణంగా కల్కిని వాయిదా వేస్తున్నట్టుగా టాక్ ఉంది. త్వరలోనే కల్కి కొత్త రిలీజ్ డేట్‌ను అనౌన్స్ చేయనున్నట్టుగా తెలుస్తోంది. మరి కల్కి రిలీజ్ ఎప్పుడు? అంటే, ఇప్పుడో గుడ్ న్యూస్ వినిపిస్తోంది. కల్కి పోస్ట్ పోన్ అయితే.. రెండు మూడు నెలలు వెనక్కిపోతుందని అనుకున్నారు. మే నుంచి ఆగస్ట్ మధ్యలో కల్కి రిలీజ్ ఉంటుందనే మాట వినిపించింది. కానీ డిలే చేయకుండా.. మే నెలలోనే కల్కి విడుదలకు ప్లాన్ చేస్తున్నారట. కేవలం మూడు వారాలు మాత్రమే కల్కి మూవీని వాయిదా వేయనున్నట్టుగా తెలుస్తోంది.
ఇది కూడా చూడండి: Vijay Devarakonda: విజయ్ దేవరకొండ అబద్దాలు చెప్పడు.. కానీ ఇవేం బూతులు?
మే మంత్ ఎండింగ్‌లో 30 లేదా 31 రిలీజ్‌కు సన్నాహాలు చేస్తున్నారట. ఇప్పటికే మేకర్స్ ఓ నిర్ణయానికి వచ్చినట్టుగా చెబుతున్నారు. ఎలాగూ వేసవి సెలవులు ఉంటాయి కాబట్టి.. ఓపెనింగ్స్, కలెక్షన్ల గురించి టెన్షన్ అక్కర్లేదని ఎగ్జిబిటర్లు వివరించి చెప్పినట్టు సమాచారం. అప్పటివరకు పొలిటికల్ హీట్ కూడా తగ్గుతుంది కాబట్టి.. మే నెలలోనే కల్కి రావడం పక్కా అంటున్నారు. మరి మేకర్స్ అధికారిక ప్రకటన ఎప్పుడు ఇస్తారో చూడాలి.
