పాన్ ఇండియా స్టార్ ప్రభాస్ నటిస్తున్న మోస్ట్ అవైటేడ్ ప్రాజెక్ట్ ‘ఆదిపురుష్’ అప్టేడ్.. ఇప్పుడు సోషల్ మీడియాను హీటెక్కిస్తోంది. ఇన్నాళ్లు అదిగో, ఇదిగో అని హై టెన్షన్ క్రియేట్ చేసిన ప్రభాస్ ‘రాముడి’ లుక్ రావడానికి ఎట్టకేలకు రంగం సిద్దం అయిపోయింది. ఇప్పటికే ఆదిపురుష్ ఫస్ట్ లుక్ అండ్ టీజర్ లోడింగ్ అంటూ.. నెట్టింట్లో ట్రెండ్ అవుతున్నాడు ప్రభాస్. ఇక ఇప్పుడు ఆదిపురుష్ టైం దాదాపుగా ఫిక్స్ అయిపోనట్టేనని అంటున్నారు. అది కూడా అయోధ్యలో గ్రాండ్గా ప్లాన్ చేశారని తెలిసినప్పటి నుంచి.. వెయ్యి కళ్లతో ఎదురు చేస్తున్నారు అభిమానులు. ఇప్పటికే దర్శకుడు ఓం రౌత్ అయోధ్యలో పర్యటిస్తున్నాడని వినిపించింది.
అక్టోబర్ 2న ఆదిపురుష్ అప్టేట్ కోసం ముహూర్తం ఫిక్స్ చేశారని చాలా రోజులుగా వినిపిస్తోంది. అయితే ఇప్పుడది ఫిక్స్ అయిపోయింది. దర్శకుడు ఓం రౌత్ ట్విట్టర్ వేదికగా ఆదిపురుష్ టీజర్, ఫస్ట్ లుక్ పై క్లారిటీ ఇచ్చారు. ‘మా మ్యాజికల్ జర్నీ స్టార్ట్ అయిపోయింది.. ‘ఆదిపురుష్’ టీజర్తో పాటు ఫస్ట్ లుక్ పోస్టర్ అక్టోబర్ 2న రిలీజ్ చేస్తున్నాం.. వేదిక బ్యాంక్ ఆఫ్ సరయు.. అయెధ్య, యూపి..’ అంటూ సోషల్ మీడియా వేదికగా వెల్లడించారు. దాంతో ట్విట్టర్లో ఆదిపురుష్ ట్రెండింగ్లో ఉంది. ఇక ఆదిపురుష్ టీజర్ అండ్ ఫస్ట్ లుక్ ఊహకందని విధంగా ఉంటే మాత్రం.. ప్రభాస్ ఫ్యాన్స్ తాకిడిని సోషల్ మీడియా తట్టుకోవడం కష్టమనే చెప్పాలి. ఏదేమైనా ఆదిపురుష్ పై హై టెన్షన్ తగ్గాలంటే.. అక్టోబర్ 2 వరకు వెయిట్ చేయాల్సిందే.
