Allu Arjun's craze is next level.. but why did he go?
Allu Arjun: పుష్ప సినిమాతో పాన్ ఇండియా క్రేజ్ సొంతం చేసుకున్న బన్నీకి.. ఆన్‌లైన్, ఆఫ్ లైన్‌ అనే తేడా లేకుండా తెలుగులో యమా క్రేజ్ ఉందనడానికి ఇదే నిదర్శనం అని చెప్పాలి. తాజా ఎన్నికల కోసం నంద్యాలలో సందడి చేశాడు బన్నీ. అక్కడ అల్లు అర్జున్‌ను చేసేందుకు పెద్ద సంఖ్యలో తరలివచ్చారు అభిమానులు. వైసీపీ నేత, ప్రస్తుత నంద్యాల ఎమ్మెల్యే శిల్పా రవి చంద్ర కిషోర్ రెడ్డి.. ఈ ఎన్నికల్లో కూడా నంద్యాల నుంచే పోటి చేస్తున్నాడు. రవి చంద్ర కిషోర్, అల్లు అర్జున్‌కి మంచి స్నేహితుడు. దీంతో అతని కోసం ప్రచారంలో పాల్గోన‌డానికి నంద్యాల వెళ్లాడు బన్నీ. ఇక అల్లు అర్జున్‌కు అభిమనులు భారీ ర్యాలీతో, గజమాల వేసి ఆహ్వానించారు. అందుకు సంబంధించిన విజువల్స్ సోషల్ మీడియాను షేక్ చేస్తున్నాయి. గత ఎన్నికల సమయంలో కూడా బన్ని తన మిత్రుడికి మద్దతుగా నిలిచారు. ఇప్పుడు మరోసారి.. రాజకీయాలు వేరు.. స్నేహం వేరంటూ.. నంద్యాలలో సందడి చేశాడు బన్నీ. ఇదే విషయాన్ని అల్లు అర్జున్ చెప్పుకొచ్చాడు.
చదవండి:Kareena Kapoor: కరీనాకు మధ్యప్రదేశ్ హైకోర్టు నోటీసులు
శిల్పా రవిచంద్ర కిశోర్ రెడ్డి తనకు మంచి స్నేహితుడని అల్లు అర్జున్ చెప్పాడు. ‘రవి రాజకీయాల్లోకి రాకముందు వారానికోసారి కలిసే వాళ్లం.. కానీ గత ఐదేళ్లుగా ఆరు నెలలకోసారి మాత్రమే కలుస్తున్నాం. అతను ఎంత కష్టపడుతున్నాడో ఇక్కడే తెలుస్తోంది కదా.. ప్రజల కోసం ఇంత కష్టపడుతున్న మనిషికి అండగా నిలవడానికి ఇక్కడకు వచ్చాను.. అని అల్లు అర్జున్ పేర్కొన్నాడు. అలాగే.. రాజకీయాలతో నాకు ఎలాంటి సంబంధం లేదు, నా స్నేహితులు ఎక్కడ ఏ రంగంలో ఉన్నా సరే వాళ్ళ కోసం వెళ్తానని అన్నాడు. అయితే.. రెండు రోజుల క్రితమే జ‌న‌సేన‌కు మ‌ద్ద‌తు తెలిపుతూ ఓ పోస్ట్ పెట్టాడు బన్నీ. పిఠాపురం నుంచి ప‌వ‌న్ భారీ మెజారిటీతో విజయం సాధించాలని చెప్పుకొచ్చాడు. కానీ ఇప్పుడు.. వైసీపీ పార్టీ అభ్యర్థికి మ‌ద్ద‌తు తెలిపాడు అల్లు అర్జున్. ఇదే సమయంలో.. బాబాయ్‌కి మద్దతుగా పిఠాపురం వెళ్లాడు రామ్ చరణ్. దీంతో.. బన్నీ కూడా పిఠాపురం వచ్చి ఉంటే బాగుండేదని.. రక రకాల కామెంట్స్ వినిపిస్తున్నాయి. ఇలాంటి సమయంలో బన్నీ ఎందుకు వెళ్లాడనే చర్చ కూడా జరుగుతోంది.
చదవండి:Pushpa 2: ఇది పుష్పరాజ్ మ్యానియా.. రష్మిక ఫుల్ హ్యాపీ!
