KA Paul was dragged away by the police visakhapatnam
ఏపీలోని విశాఖ ఉక్కు కర్మాగారాన్ని ప్రైవేటీకరించకుండా కాపాడాలని ప్రజాశాంతి పార్టీ అధ్యక్షుడు కేఏ పాల్ చేపట్టిన నిరవధిక నిరాహార దీక్షను పోలీసులు నిన్న సాయంత్రం భగ్నం చేశారు. వైసిపిని దీనిని వ్యూహాత్మకంగా విక్రయించడాన్ని వ్యతిరేకిస్తూ మంగళవారం సాయంత్రం పాల్ సమ్మెను ప్రారంభించారు. అయితే పోలీసులు అతనిని వేదిక వద్దకు వెళ్లి అతని ఆరోగ్య పరిస్థితి బాగా లేదని పేర్కొంటూ అతన్ని వాహనంలో ఎక్కించారు. అయితే ఆ క్రమంలో పాల్ పోలీసులను ప్రతిఘటించారు. నిరవధిక నిరాహార దీక్ష చేస్తున్న వేదిక వద్దకు బలవంతంగా తిరిగి వచ్చి నిరాహారదీక్ష కొనసాగించడానికి ప్రయత్నించారు. కానీ, పోలీసులు మాత్రం తగ్గలేదు. వారు అతనిని ఈడ్చుకుంటూ తీసుకెళ్లి కింగ్ జార్జ్ ఆసుపత్రికి తరలించారు.
ఆ క్రమంలో ప్రజాశాంతి పార్టీ అధ్యక్షుడు మాట్లాడుతూ తాను ఆరోగ్యంగా ఉన్నానంటూ పోలీసులను నమ్మించే ప్రయత్నం చేసినా పోలీసులు నా విన్నపాన్ని పట్టించుకోలేదన్నారు. అంతకుముందు కూడా తాను మూడు రోజుల పాటు ఉపవాసం పాటించానని తెలిపారు. ప్రధాని మోడీ ముఖ్యమంత్రి వైఎస్‌ జగన్‌మోహన్‌రెడ్డి తనను చంపేందుకు కుట్ర పన్నుతున్నారని వ్యాఖ్యలు చేశారు. తనకు ఏదైనా జరిగితే అందుకు సీఎం బాధ్యత వహించాల్సి ఉంటుందని స్పష్టం చేశారు. ఆ నేపథ్యంలో పాల్ కోడలు పోలీసుల తీరుపై ఆగ్రహం వ్యక్తం చేశారు. ఒక పార్టీ ప్రతినిధిని అలా ఎలా లాక్కెళతారని ఆమె ప్రశ్నించారు. ఈ వీడియో ప్రస్తుతం నెట్టింట తెగ చక్కర్లు కోడుతుంది. దీనిపై మీరు కూడా ఓ లుక్కేయండి మరి.
