KDP: పర్యావరణ సహితంగా యురేనియం ప్రాజెక్టును నిర్వహించాలని జిల్లా కలెక్టర్ శ్రీధర్ చెరుకూరి పేర్కొన్నారు. బుధవారం వేముల మండలం తుమ్మలపల్లె యురేనియం కార్పొరేషన్ ఆఫ్ ఇండియా ప్రాజెక్టును ఆయన సందర్శించి, సంబంధిత అధికారులతో ప్రాజెక్టు పనులు, ఉత్పత్తులు, ఇతర అంశాలపై సమీక్ష సమావేశం నిర్వహించారు. గనులలో ఎలాంటి ప్రమాదాలు తలెత్తకుండా భద్రతా ప్రమాణాలను పాటించాలన్నారు.
