Atchannaidu: టీడీపీ అధ్యక్షుడు అచ్చెన్నాయుడు ముఖ్యమంత్రి జగన్‌మోహన్‌రెడ్డికి బహిరంగ లేఖ రాశారు. రాష్ట్ర ప్రజలకు తాగునీరు సరఫరా చేయలేని స్థితిలో వైసీపీ ప్రభుత్వం ఉందని ఆ లేఖలో పేర్కొన్నారు. వెంటనే రాష్ట్రంలో హెల్త్ ఎమర్జన్సీ ప్రకటించాలని బహిరంగ లేఖలో ఆయన విజ్ఞప్తి చేశారు. సురక్షిత నీరు అందక రాష్ట్రంలో ప్రజలు ప్రాణాలు కోల్పోతున్నారన్నారు. గుంటూరులో కలుషిత జలంతో డయేరియా, కలరా కేసులు నమోదవుతున్నాయి.
ఇది కూడా చూడండి: RBI : 97.62 శాతం రూ.2000 నోట్లు మాత్రమే తిరిగొచ్చాయి.. మిగతావి ఎక్కడ ?
ఇప్పటికే డయేరియాతో నలుగురు మృతి చెందారని.. మరో ముగ్గురికి కలరా వ్యాధి కూడా సోకిందని తెలిపారు. ముఖ్యమంత్రికి సిద్ధం సభలపై ఉన్న శ్రద్ధ ప్రజల ప్రాణాలపై లేదని.. ఇది బాధాకరమని అచ్చెన్నాయుడు అన్నారు. అధికారంలో ఉండే ఈ నెల రోజులైనా ప్రజల గురించి ఆలోచించాలని కోరారు. ఆంధ్రరాష్ట్ర ప్రజలకు సురక్షిత నీరు అందించడంతో పాటు రోగులకు మెరుగైన వైద్యం అందించాలని లేఖలో పేర్కొన్నారు.
ఇది కూడా చూడండి: Kalki: వచ్చే వారం రంగంలోకి దిగనున్న ప్రభాస్?
